Horiso 18:17 - Sơ̆p Hlabơar Nơ̆r 'Bok Kei-Dei

¹⁷ Sư dŏng pơklaih inh đơ̆ng lu ayăt mă pran kơtang. Đơ̆ng lu bơngai areh kơ inh, yua kơ lu sư pran hloh kơ inh.

Horiso 18:17 ပူးပေါင်းရင်းမြစ်များ

II Sam 22:1

Pơtao Đawit pơyơ̆r kơ Kră Yang lu nơ̆r hơri 'nâu, đơ̆ng rŏng kơ Kră Yang dŏng pơklaih sư đơ̆ng ti bơngai ayăt păng đơ̆ng ti pơtao Sôl.

II Sam 22:18

Kră Yang dŏng pơklaih inh đơ̆ng lu bơngai ayăt pơm kơtang dêh. Hlôi kơ đơ̆ng lu bơngai areh kơ inh, yua kơ lu sư pran hloh kơ inh.

Jop 16:9

Lăm tơdrong blĕk Kră Yang 'Bok Kei-Dei hek hơđah inh; kăp hơnĕnh blĕk kơ inh thoi sem bri, Thoi bơngai ayăt kơ inh sư lăng pơglăn 'bloh tơ inh.

Horiso 118:7

Kră Yang oei hơdai inh; dŏng tơgŭm inh. Inh 'bôh lu bơngai areh kơ inh jei inh.

Horiso 138:7

Mă inh oei lăm pơmat-tat, Ih wei tơdrong arih inh, Ih yơ̆r ti tơblah plơ̆ kơ tơdrong mă lu ayăt hil kơ inh, ti 'ma Ih dŏng pơklaih inh.

Horiso 142:6

Apinh Ih mơ̆ng nơ̆r inh krao khan. Yua kơ inh pơmat-tat dêh; Apinh Ih dŏng pơklaih inh đơ̆ng lu bơngai pơmat inh. Yua kơ lu sư pran hloh kơ inh.

Horiso 144:7

Apinh chro ti Ih, đơ̆ng kơpal. Dŏng pơklaih inh, hơtŏk inh đơ̆ng lăm đak jrŭ. Pơklaih đơ̆ng ti lu bơngai tơmoi;

Horiso 25:19

Lăng bĕ tơ lu ayăt kơ inh, yua kơ lu sư lơ dêh; Lu sư areh kơ inh dêh tơpă.

Horiso 35:10

Lu kơting inh khan: “Ơ Kră Yang. Bu thoi Ih, Ih pơklaih lu bơngai tơrăn đơ̆ng lu bơngai pran hloh kơ sư. Tơgŭm lu bơngai pơmat păng lu bơngai dơnuh hoh kơđei đơ̆ng ti lu bơngai tơtông tơgar.”

Horiso 38:19

Mă-lei lu ayăt kơ inh oei arih păng pran. Lu bơngai areh kơ inh tơdrong kơ đei lơ tơpă.

Horiso 9:13

Kră Yang ơi, mơnat bĕ kơ inh, Lăng bĕ tơdrong pơmat-tat đơ̆ng lu bơngai areh kơ inh, pơm kơ inh. Ơ Kră Yang mă pôk hơtŏk inh hlôi kơ 'măng jang tơdrong lôch Lăng bĕ tơdrong pơmat-tat inh, Mă đơ̆ng đe areh kơ inh

Luka 19:14

Đe băt kơ sư năm boih na lu tơring tơrang hil areh kơ sư, đe ưh kơ wă kơ sư pơm pơtao kơ lu sư; na lu sư wơh đe pơtruh kơ 'bok pơtao tơm, lu tơring tơrang ưh kơ wă kơ bơngai noh pơm pơtao lu sư.