Horiso 16:7 - Sơ̆p Hlabơar Nơ̆r 'Bok Kei-Dei

⁷ Inh bơnê ư-ang kơ Kră Yang, Tơ'ngla bơtho tơ'bôh ăn kơ inh. Kơmăng jơhngơ̆m inh kư̆m bơtho inh.

Horiso 16:7 ပူးပေါင်းရင်းမြစ်များ

Horiso 119:148

Măt inh kral prăt măng ưh kơ tep, wă kơ tơchĕng kơ nơ̆r Ih pơkă.

Horiso 119:55

Ơ Kră Yang, kơmăng inh 'blŏk kơ anăn Ih; Kŭm wei răk khôi juăt Ih.

Horiso 119:7

Inh iŏk jơhngơ̆m tơpăt hơri ư-ang kơ Ih. Kơplah inh hŏk iŏk tơdrong Ih sek tơpăt;

Horiso 17:3

Kră Yang lăng boih jơhngơ̆m inh, năm lăng inh kiơ̆ kơmăng;a Đei pơlong inh, mă-lei ưh kơ đei 'bôh kiơ; Inh đei pơkă 'bơ̆r inh ưh kơ pơm yoch.b

Horiso 22:2

Ơ Kră Yang 'Bok Kei-Dei inh! Prăt năr inh krao khan, Ih ưh kơ tơl tơwih. Kơmăng inh kư̆m pă đei pơdơh.a

Horiso 42:8

Kơ'năr Kră Yang pơdah ăn tơdrong Sư mơnat. Gah kơmăng nơ̆r hơri Sư oei hơdai inh.a Nơ̆r krao khan kơ Kră Yang. Kră Yang 'Bok Kei-Dei kơ tơdrong arih inh,b

Horiso 63:6

Kơplah inh 'bĭch kơpal giơng inh 'blŏk kơ Ih. Na inh kral gak prăt măng tơchĕng kơ Ih ling-lang

Horiso 73:21

Kơplah inh ơh sơ'ngon, inh jĭ jơhngơ̆m thoi sa tăng.

Horiso 73:24

Ih yua tơdrong bơtho tơ'bôh na dui ba inh. Đơ̆ng noh sơng iŏk inh lăm tơdrong ư-ang.

Horiso 77:2

Lăm năr anat anot inh krao chă Kră Yang; Kơmăng inh yơ̆r ti krao apinh ưh kơ rơgah; Bơhngol inh ưh kơ wă bu pơlung

Horiso 77:6

Kơmăng inh 'blŏk dơ̆ng 'bai hơri inh, Jơhngơ̆m inh tơchĕng păng bơhngol inh chă apinh:

Tơdrông Pơđơk 8:14

Tơdrong pơgơ̆r, gơh hơgei noh gah Inh. Inh đei pran kơtang.

Êsai 26:9

Kơmăng bơhngol inh rơhing kơ Ih, pơgê lăm jơhngơ̆m inh hơpơi wă chă Ih dêh, mưh Ih sek tơlang tơ ala teh, kon bơngai oei lăm teh đak gô băt tơdrong 'lơ̆ng tơpăt.

Êsai 48:17

Kră Yang Tơ'ngla dŏng pơklaih iĕm Tơ'ngla 'Lơ̆ng Rơgoh Isơrael khan: “Inh bơih Kră Yang, 'Bok Kei-Dei iĕm, Tơ'ngla bơtho iĕm mă đei tơdrong 'lơ̆ng kơ iĕm păng dui ba iĕm lăm trong iĕm gô năm.

Êsai 50:4

Kră Yang ăn kơ inh hơpiĕt lu bơngai gơh bơtho tơ'bôh wă kơ inh băt yua nơ̆r pơma tơiung lu bơngai rơdu tơrăn. Kră Yang râu inh rim pơgê đơ̆ng hrôih tơ'blŏk ăn kơ đon inh wă mơ̆ng nơ̆r Sư bơtho nhen thoi bơngai đei hŏk pơhrăm.

Je 12:2

Ih pơtăm lu sư, lu sư chăt rơh, wơ̆ tih păng đei plei, 'bơ̆r lu sư jê̆ Ih, mă-lei jơhngơ̆m lu sư ataih đơ̆ng Ih.

Je 17:10

Inh boih Kră Yang, Inh lăng 'bôh lăm jơhngơ̆m, pơlong lăng jơhngơ̆m đon tơchĕng, wă pơm tơwih kơ rim 'nu kiơ̆ thoi trong lu sư arih, kiơ̆ 'blep thoi đêl tơdrong lu sư pơm.

Luka 6:12

Kơplah ei Yêsu tŏk tơ groi kông wă krao khan kơ 'Bok Kei-Dei. Sư krao khan tơ noh prăt măng hloi.

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.