Horiso 16:6 - Sơ̆p Hlabơar Nơ̆r 'Bok Kei-Dei

⁶ Pŭn dêh kơ inh đei teh yua lăm anih 'lơ̆ng, Tơpă, inh đei tơmam yua 'măn kơ inh 'lơ̆ng tơpă.

Horiso 16:6 ပူးပေါင်းရင်းမြစ်များ

Horiso 61:6

Apinh Ih hơtŏk thim năr kơ pơtao arih. Ăn kơ sư arih lăm lơ jơhnơr.

Horiso 78:55

Sư puh tơweh lu kon pơlei nai 'bơ̆t anăp lu sư, Hlang păng klah song teh ăn kơ lu sư jang sa. Sư ăn kơ lu bơngai Isơrael oei tơ lăm anih hnam kon pơlei ei.

Je 3:19

Gah Inh hơpơi: “Rŏ kơ Inh lăng iĕm thoi kon drŏ-nglo Inh, Inh ăn kơ lu iĕm dêh char 'lơ̆ng, teh jang sa 'lơ̆ng hloh kơ đĭ-đăng lu char nai! Inh hơpơi wă kơ iĕm krao Inh ‘'Bă’ Păng ưh pă weh achăng lê̆ Inh.

Am 7:17

Yua kơ inh khan thoi noh na Kră Yang khan dơ̆ng thoi âu: Akăn ih gô pơm đi tơ lăm pơlei tih; kon drŏ-nglo păng kon drŏ-kăn ih gô lôch kơ đao gưm, teh đak ih gô klah asong pơtŏ păng tơlei, gah ih, ih gô lôch lăm teh đak 'mê̆-'mach păng Isơrael gô pơm đĭch tơ dêh đe.

Yo 20:17

Thoi noh Yêsu khan: “Ih 'nĕ kơ rôp Inh, yua kơ Inh ưh tam mă tŏk wih tơ 'Bă Inh. Ih năm khan kơ lu 'nhŏng oh Inh wă kơ sư băt kơ Inh wă tŏk wih tơ 'Bă Inh, Sư kư̆m 'Bă lu iĕm mơ̆n; tơ Kră Yang Inh, Sư kư̆m Kră Yang iĕm mơ̆n.”

Rom 8:17

Pơtih gia kơ 'bă pơjing bơ̆n tơ ala teh âu, sư đei mŭk tơmam sư 'măn lê̆ kơ bơ̆n yua kơ bơ̆n kon sư. Na 'Bă bơ̆n tơ plĕnh ti Sư kư̆m lei-lăi. Sư ăn kơ bơ̆n tơdrong hiôk 'lơ̆ng yua kơ bơ̆n jing kon Sư, kư̆m thoi Sư ăn kơ Kon Sư Yêsu Krist. Mă tơdrong gleh truh kơ bơ̆n kư̆m bưh, noh kư̆m thoi Yêsu sơ̆, ning-mônh bơ̆n gô oei hơdai hăm Yêsu hiôk dêh.

Êphêsô 1:18

Inh apinh Sư pơih jơhngơ̆m đon iĕm, wă kơ iĕm hlôh băt tôm tơdrong hiôk 'lơ̆ng, thoi Sư pơkă khan wă ăn kơ bơ̆n bơngai mă Sư krao ăn jing kon Sư.

II Tim 2:12

Dah bơ̆n đei tơdrong gleh pơmat-tat, bơ̆n oei adrin kiơ̆ Sư khŏm khŏm, lei bơ̆n kư̆m pơgơ̆r hơdai hăm Sư ning-mônh mơ̆n. Dah bơ̆n achăng Sư dang ei, lei pă jor Sư kư̆m achăng bơ̆n ning-mônh.

Hêbrơ 12:2

Bơ̆n athei lăng Yêsu ling-lang, yua kơ Sư pơih trong kơ bơ̆n lui kơ 'Bok Kei-Dei kơjăp truh tôch. Sơ̆ Sư băt tôm tơdrong 'Bok Kei-Dei wă ăn kơ Sư gô hiôk, na Sư chu iŏk đe pơ̆ng pơlôch Sư tơ 'long pơglang. Sư ưh kơ tơchĕng kơ đe pơm kơnê̆ pơ'brơh kơ Sư ôh. Na dang ei Sư oei gah 'ma kơ 'Bok Kei-Dei.

Tơdrông Tơ'bôh 3:21

‘Gah tơdrong tơblah păng yang kơnê̆ jei bơngai bu, Inh gô ăn kơ sư oei hơdai tơ tang-dŏ Inh, thoi Inh blah yang kơnê̆ jei Inh, na 'Bă Inh ăn kơ Inh oei hơdai tơ tang-dŏ Sư.