Horiso 16:4 - Sơ̆p Hlabơar Nơ̆r 'Bok Kei-Dei

⁴ Tơdrong ơh sơ'ngon lu bơngai pơyơ̆r kiơ̆ yang nai gô rai dêh. Inh ưh kơ pơyơ̆r ôh, pham tơmam soi kơ lu sư.

Horiso 16:4 ပူးပေါင်းရင်းမြစ်များ

Bl 35:14

Jakôp pơdơ̆ng hloi minh pôm jrăng tơmo tơ anih mă Kră Yang 'Bok Kei-Dei đei pơma dơnuh hăm sư tuh pơyơ̆r sik păng đak rơmă kơpal noh.

Horiso 32:10

Lu bơngai yoch đei tơdrong pơmat-tat. Mă-lei bơngai bu băt gơnang kơ Kră Yang, tơdrong 'mêm mơnat war tăp kơ bơngai noh.

Horiso 97:7

Pơm bĕ kơ đĭ-đăng lu bơngai kơkuh kơ rup yang mơlâu. Lu gơnang kơ rup yang tơdrong kơ đei. Ơ lu yang, kơkuh bĕ kơ Kră Yang.

Le 23:13

Ih athei wei răk đĭ dôm nơ̆r inh pơkă kơ ih, 'nĕ kơ chă pơư anăn lu yang nai; 'nĕ kơ tơ'blŏk tơdrong noh đơ̆ng 'bơ̆r ih.

Êsai 57:6

Lu tơmo iel rang tơ lăm thŭng noh jing rup Yang iĕm. Tơ lu tơmo noh lu iĕm tuh đak rơmă păng pơyơ̆r tơmam huch, păng phe 'ba pơm tơmam soi kơ lu tơmo 'noh. Liơ mă inh gơh ngach ưh kơ blĕk kơ tơdrong 'noh?

Êsai 65:11

Mă-lei lu iĕm, achăng hŭt lê̆ Kră Yang bơih. Hiơt kơ kông rơgoh Inh, Lu iĕm bơngai mă hơmet gơ'bang et sa ăn kơ yang Gata păng hling 'bĕnh kơ pơnhan sik hơmu ăn bơih kơ yang Mêni.b

Êsai 66:3

Mă-lei bơngai bu pơlôch minh pôm kon rơmo soi sơmah, kư̆m thoi pơlôch minh 'nu bơngai; bu soi sơmah hăm minh pôm kon triu kư̆m thoi gơ̆ hơko minh pôm kŏ bu pơyơ̆r tơmam soi phe 'ba kư̆m thoi pơyơ̆r pham nhŭng; bu soh tơmam 'bâu phu kư̆m thoi kơkuh kơ rup yang. Lu bơngai noh rơih bơih trong lu sư kơdih, jơhngơ̆m lu sư 'maih wă pơm tơdrong jang krưp kơnê̆,

Je 7:18

Lu hơ'lơ̆p dônh 'long ŭnh, 'bă tơkuh ŭnh, lu drŏ-kăn jrâu tơpŭng pơm 'bĕng pơyơ̆r kơ pơtao Drŏ-kăn tơ Plĕnh ti; păng lu sư kư̆m tuh pơyơ̆r tơmam huch kơ lu yang nai, pơm wă Inh klai.

Lêwi 23:13

Păng pơyơ̆r tơmam soi phe 'ba, dang 'bar lăm mơjĭt êpha tơpŭng, b lŭk hrâu hăm đak rơmă ôliwơ pơm tơmam soi soh hăm ŭnh, pơyơ̆r đei 'bâu phu 'lơ̆ng ăn kơ Kră Yang păng pơyơ̆r tơmam huch hai sik plei hơmu, minh lăm puăn hin.c

Jôna 2:8

Lu bơngai chă kơkuh kơ rup yang ưh kơ yua kiơ. Na achăng lê̆ tơdrong Kră Yang 'mêm kơ sư.

Jôsuê 23:7

Lê̆ kơ mơ̆t hơdai hăm lu adrĕch adrung âu, mă oei oei hơdai hăm lu iĕm, lê̆ kơ pao anăn yang lu sư păng lê̆ kơ yua anăn yang lu sư pơkă pơkăm lê̆ kơ bơ̆jang păng lê̆ kơ drap kơkuh kơ yang noh.