Horiso 16:11 - Sơ̆p Hlabơar Nơ̆r 'Bok Kei-Dei

¹¹ Ih gô tơ'bôh ăn kơ inh trong tơdrong arih; 'Bơ̆t anăp Ih 'bĕnh hăm tơdrong chhôk hal. Gah 'ma kơ Kră Yang đei tơdrong chơt hiôk ling-lang khŏm khŏm.

Horiso 16:11 ပူးပေါင်းရင်းမြစ်များ

Horiso 139:24

Apinh Ih lăng lăng inh hăm đei yoch kơnê̆ kiơ ưh? Apinh Ih chông anhăk inh lăm trong arih ling-lang. Anih jrŭ wă khan lăm tơpu kon.

Horiso 17:15

Bĭ inh âu, lăm tơdrong tơpăt inh gô 'bôh muh măt Ih; Mưh hơđơ̆r, inh gô lăp đon lăng rup hơbŏ Ih.e

Horiso 4:8

Ơ Kră Yang, inh gô 'bĭch păng tep hiôk-hian; Yua kơ lăp minh 'nu Ih đĕch ăn kơ inh oei hiôk rơnŭk.

Horiso 68:4

Hơri pơư bĕ kơ Kră Yang 'Bok Kei-Dei bơnê bĕ kơ anăn Sư; Man hơmet bĕ trong kơ Kră Yang hao hơmơ̆l năm rok anih glă; Anăn Sư jơ̆ Kră Yang; Chơt hiôk bĕ 'bơ̆t anăp Sư.

Tơdrông Pơđơk 12:28

Tơdrong arih oei 'bih tơdrong tơpăt; Lăm trong gơlong sư ưh kơ đei lôch.

Tơdrông Pơđơk 2:19

Bơngai bu năm tơ sư ưh pă brŏk dơ̆ng, păng kư̆m ưh pă truh tơ tơdrong arih

Tơdrông Pơđơk 4:18

Mă-lei trong lu bơngai tơpăt thoi hơdah pơchrang, Pơchrang hơdah truh tơ 'năr dơ̆ng.

Tơdrông Pơđơk 5:6

Sư ưh kơ chă trong tơhnă wă năm tơ tơdrong arih. Wih kiơ̆ trong răm, mă-lei sư ưh kơ băt.

Êsai 2:3

Đei lơ khŭl bơngai gô truh tơ noh na khan: “Năm, bĕ lu bơ̆n tŏk tơ kông Kră Yang, tơ hnam Kră Yang 'Bok Kei-Dei Jakôp. Sư gô bơtho bơ̆n trong Sư wă kơ lu bơ̆n yak kiơ̆ trong sư.” Khôi juăt gô đei đơ̆ng pơlei Siôn, nơ̆r Kră Yang gô đei đơ̆ng pơlei Jêrusalem.

Mathiơ 25:33

Lu bơngai mă thoi triu noh, wă khan bơngai 'lơ̆ng, Inh gô ăn kơ lu sư oei gah 'ma kơ Inh; lu bơngai mă thoi bơbe, wă khan bơngai kơnê̆, Inh gô ăn kơ lu sư oei gah 'ngiĕo kơ Inh.

Mathiơ 25:46

Đơ̆ng noh 'Bok Kei-Dei phak lu sư tơ dơnâu ŭnh ling-lang ưh kơ layơ păt. Gah lu bơngai lui kơ 'Bok Kei-Dei 'lơ̆ng tơpăt, lu sư tŏk oei hơdai hăm 'Bok Kei-Dei ling-lang kư̆m ưh kơ layơ tôch.”

Mathiơ 5:8

“Pŭn dêh lu bơngai jơhngơ̆m 'lơ̆ng rơgoh, lu sư gô 'bôh 'Bok Kei-Dei.

Mathiơ 7:14

Trong 'măng mơ̆t tơ anih arih ling-lang iĕ păng anat kơ yak tơpă, na hui bơngai 'bôh 'măng iĕ noh.

Markôs 16:19

Đang kơ Kră Yang Yêsu khan kơ lu bơngai pơhrăm păng Sư thoi noh boih, na 'Bok Kei-Dei atŏk Sư tơ plĕnh oei gah 'ma kơ 'Bă Sư 'Bok Kei-Dei.

Jang 2:28

Ih tơiung arih Inh đơ̆ng lôch; yua kơ Ih oei păng Inh, jơhngơ̆m Inh gô hiôk chơt tơpă.’ ”

Jang 7:56

Na Êtien khan kơ lu 'bok sek tơlang ei khan: “Iĕm lăng, plĕnh tơpơih ti, inh 'bôh Kon Bơngai oei gah 'ma kơ 'Bă Sư 'Bok Kei-Dei.”

Rom 8:11

Sơ̆ 'Bok Kei-Dei yua Yang Bơhngol 'Lơ̆ng Sư tơiung arih Yêsu đơ̆ng lôch. Dah Yang Bơhngol 'Lơ̆ng oei lăm bơ̆n, lei ning-mônh 'Bok Kei-Dei kư̆m yua Yang Bơhngol 'Lơ̆ng Sư tơiung arih bơ̆n đơ̆ng lôch mơ̆n.

I Kor 13:12

Dang ei bơ̆n băt tơdrong 'Bok Kei-Dei ưh kơ nhên ôh, mă-lei ning-mônh bơ̆n gô băt nhên tơpă, kư̆m thoi bơ̆n lăng muh măt đe tơ lăm amĭl mam ưh kơ gan nhên, mă-lei dah bơ̆n lăng tơklă muh măt sư bơ̆n gô băt nhên tơpă yơh. Tơdrong 'Bok Kei-Dei dang ei inh kư̆m ưh kơ hlôh tôm ôh, mă-lei ning-mônh inh gô hlôh tôm, kư̆m thoi 'Bok Kei-Dei hlôh tôm tơdrong inh dang ei mơ̆n.

II Kor 4:17

Nhôn iŏk tơdrong pơmat-tat dang ei kư̆m bưh, sư hơiơch 'biơ̆, nhôn hăt kơ chă tơdrong arih ling-lang ning-mônh ei kăl hloh.

Êphêsô 3:19

Inh apinh Sư ăn kơ iĕm băt kơ Yêsu 'mêm kơ bơ̆n tih tơpă, mă ưh kơ băt tih dang yơ, jrŭ să sư dang yơ. Păng inh kư̆m apinh 'Bok Kei-Dei oei lăm jơhngơ̆m rim 'nu kơ lu iĕm.

I Pet 1:21

'Bok Kei-Dei boih tơiung arih Sư đơ̆ng lôch păng ăn kơ Sư tŏk pơgơ̆r tơ plĕnh. Yua kơ Yêsu Krist jur huai iŏk bơ̆n boih, na bơ̆n băt lui kơ 'Bok Kei-Dei hăm băt kơ Sư gô atŏk lu bơ̆n tơ kơpal plĕnh.

I Pet 3:22

Yêsu Krist iung arih tŏk tơ plĕnh oei gah 'ma kơ 'Bok Kei-Dei. Sư pơgơ̆r đĭ lu linh jang, lu yŏng pơgơ̆r lu linh jang, đĭ lu yang nai.

I Yo 3:2

Ơ lu bôl buăl mă juăt păng inh tơpă, dang ei bơ̆n kon 'Bok Kei-Dei, sơmă bơ̆n ưh tam băt bơ̆n gô jing thoi yơ ning-mônh. Mă-lei bơ̆n băt tơdrong âu tơpă: Lăp Yêsu Krist jur tơ ala teh âu ning-mônh, bơ̆n gô jing thoi Sư, kơlih kơ bơ̆n gô 'bôh Sư tơpă.

Ju 1:24

Bơnê kơ 'Bok Kei-Dei, pôm Sư đĕch kĕ wei-lăng iĕm, huay ăn kơ iĕm lê̆ Sư, wă kơ iĕm dơ̆ng 'bơ̆t anăp Sư ning-mônh iĕm 'bôh Sư mơsêh mơyang, iĕm hiôk hơiă huay kơ hli kơ Sư, yua kơ iĕm ưh kơ đei tơdrong yoch.

Tơdrông Tơ'bôh 22:5

Măng klăm ưh pă đei boih păng lu sư ưh kơ kăl kơ măt 'năr dah ŭnh kiơ pơchrang hơdah kơ lu sư dơ̆ng ôh yua kơ akâu 'Bok Kei-Dei oei tơ noh pơchrang ăn kơ lu sư. Lu sư gô pơgơ̆r ling-lang khŏm khŏm tơ noh.