Horiso 16:10 - Sơ̆p Hlabơar Nơ̆r 'Bok Kei-Dei

¹⁰ Yua kơ Ih ưh kơ achăng lê̆ bơhngol inh tơ lăm bơsat. Kŭm huay kơ ăn lu bơngai 'lơ̆ng rơgoh Ih 'bôh tơdrong ôm răm,

Horiso 16:10 ပူးပေါင်းရင်းမြစ်များ

Jop 11:8

Tơdrong hơgei Kră Yang kơjung hloh kơ plĕnh Na ih gơh pơm kiơ? Tơdrong hơgei Sư jrŭ hloh kơ pơlei lôch, na liơ ih kĕ băt?

Horiso 139:8

Dah inh tŏk tơ plĕnh, Ih oei tơ noh, Mă inh jur 'bĭch lăm dêh hơtâu to Ih kư̆m tơ noh.

Horiso 49:15

Mă-lei Kră Yang 'Bok Kei-Dei gô huai iŏk bơhngol inh đơ̆ng dêh atâu.j Yua kơ sư gô sơng iŏk inh. Sêla

Horiso 9:17

Lu bơngai pơm kơnê̆ gô huŏng tơ pơlei lu lôch, Păng đĭ lu bơngai mă hiơt kơ Kră Yang 'Bok Kei-Dei.

Tơdrông Pơđơk 15:11

Hơlŭng jrŭ dêh atâu lăm âu Kră Yang 'bôh đĭ; Pơma kiơ lăm jơhngơ̆m kon bơngai!

Tơdrông Pơđơk 27:20

Măt kon bơngai lăng ưh kơ đei layơ bơ̆l hăl. Dêh atâu păng lôch răm ưh kơ đei layơ hrăp.

Êsai 14:9

Tơ dêh atâu sŭng tơdrŏ wă tơ'bơ̆p ih kơplah ih truh tơ noh, lu bơhngol bơngai lôch băl noh jơ̆ lu yŏng pơgơ̆r jơ̆p-jang kơ teh đak lu sư hơđơ̆r wă tơ'bơ̆p ih, lu pơtao rim kơ teh đak iung đơ̆ng tang-dŏ pơtao sư.

Êsai 5:14

Noh bơih na jing dêh hơtâu pơih 'măng sư rai să ha 'bơ̆r wă 'maih luăn sư ưh kơ pơdơh ôh, lu bơngai đe ư-ang păng kon pơlei pơla sư đĭ-đăng lu bơngai chơt hiôk oei lăm pơlei, tă kơ huŏng tơ lăm noh ngăl.

Da 9:24

Đei tơpơh-jĭt 'măng giĕng hơgăt kơ kon pơlei Ih hăm pơlei rơgoh tih Ih, wă găn tơdrong pơm glăi, hŭt lê̆ tơdrong yoch chhut rơgoh tơdrong kơnê̆ păng ba tơdrong tơpăt ling-lang hloi, wă pơsĭt anih tơdrong tơ'bôh păng nơ̆r khan lê̆ adrol păng tuh đak rơmă kơ Yang rơgoh hloh.

Lêwi 19:28

Kơplah bơngai lôch iĕm 'nĕ kơ 'bet akâu, 'nĕ kơ chhơ̆ săm akâu iĕm, Inh boih Kră Yang.

Am 9:2

Mă khan lu sư sir jrŭ truh tơ dêh hơtâu, ti inh kư̆m gô wŏk iŏk lu sư lĕch; mă khan lu sư tŏk truh tơ plĕnh, inh gô tơjur tơhuŏng lê̆ lu sư đơ̆ng noh.

Jo 6:6

Kơplah đĭ lăm năr sư pơjao pơyơ̆r akâu sư kơ Kră Yang sư ưh kơ gơh jê̆ akâu bơngai lôch ôh.

Luka 1:35

Linh jang 'lơ̆ng ei khan kơ sư dơ̆ng: “Gô đei Yang Bơhngol 'Lơ̆ng jur tơ ih, tơdrong mơsêh mơyang mă 'Bok Kei-Dei wă ăn kơ ih. Thoi noh na kon nge mă ih tơpŭ noh, Sư Kon 'Bok Kei-Dei mă 'lơ̆ng tơpăt.

Luka 16:23

Sư oei lăm dơnâu ŭnh tŏ hang tơpă. Na sư ngoi 'bôh Abraham tơ plĕnh ti păng kư̆m 'bôh Lasarơ oei jê̆ Abraham mơ̆n.

Luka 4:34

“Êi, Yêsu đơ̆ng Pơlei Nasaret, Ih wă pơm kiơ kơ khŭl nhôn? Inh băt mơ̆n Ih năm tơ âu wă pơrăm khŭl nhôn lah. Inh băt kơ Ih, Ih 'Bok 'Lơ̆ng Tơpăt đơ̆ng 'Bok Kei-Dei.”

I Kor 15:42

Gah tơdrong iung arih đơ̆ng lôch kư̆m lei-lăi thoi noh mơ̆n. Akâu kon bơngai bơ̆n iung arih ning-mônh phara, ưh kơ thoi akâu bơ̆n mă oei arih dang ei ôh. Akâu bơ̆n lôch boih na đe 'bŭ akâu bơ̆n tơ teh, mưh 'Bok Kei-Dei tơiung arih bơ̆n ning-mônh Sư wă ăn kơ bơ̆n akâu 'nao pran kơtang ưh kơ layơ lôch.

Both 32:22

Inh hil thoi ŭnh sa khơ̆ng blông blông. Sa hloi tôch tơ kơđĕl hơnă pơlei lôch, ŭnh sa đĭ teh păng plei sa, sa kông pơđĭ truh tơ hơnă.

Tơdrông Tơ'bôh 1:18

Inh arih ling-lang, Inh boih 'Bok mă lôch minh 'măng sơ̆, dang ei ưh pă layơ wă lôch dơ̆ng. Inh đei khuă gơh pơih 'măng lu bơngai lôch ăn kơ sư iung arih dơ̆ng.

Tơdrông Tơ'bôh 20:13

'Bơ̆t ei gô 'bôh tôm bơngai lôch. Lu bơngai lôch glơ̆k kơ đak dơsĭ, đak dơsĭ tơlĕch sư. Yŏng pơgơ̆r tơdrong lôch achăng đĭ lu bơngai lôch đơ̆ng dêh atâu. Na 'Bok Kei-Dei sek tơlang lu sư kiơ̆ kơ tơdrong lu sư đêl pơm tơ ala teh.