Horiso 149:2 - Sơ̆p Hlabơar Nơ̆r 'Bok Kei-Dei

² Ăn kơ lu bơngai Isơrael chơt hiôk lăm Tơ'ngla mă pơjing lu sư; Hơpơi ăn kơ lu kon sâu Siôn chơt hiôk lăm Pơtao sư.

Horiso 149:2 ပူးပေါင်းရင်းမြစ်များ

Jop 35:10

Mă-lei ưh kơ đei bơngai bu jet: “Kră Yang 'Bok Kei-Dei mă Tơ'ngla pơjing inh, tơ yơ?” Kră Yang pơm ăn kơ đe hơri hiôk chơt lăm kơmăng,

Horiso 47:6

Hơri bơnê bĕ kơ Kră Yang 'Bok Kei-Dei, hơri bĕ, Hơri kơkuh bĕ kơ pơtao lu bơ̆n hơri bĕ.

Horiso 95:6

Năm bĕ, kŭp kơ̆l kơkuh kơ Sư. Hơtơ̆p kŭl-tăng drap kơkuh bĕ 'bơ̆t anăp Kră Yang, Tơ'ngla pơjing lu bơ̆n

Êsai 43:15

Inh bơih Kră Yang, Tơ'ngla 'Lơ̆ng Rơgoh lu iĕm, Tơ'ngla pơjing Isơrael, Inh bơih Pơtao iĕm.”

Êsai 52:7

Đêl jơ̆ng lu bơngai ba tơdrong 'nao 'lơ̆ng tơ kơpal kông 'lơ̆ng pă băt dang yơ. Lu bơngai roi tơdrong hiôk-hian, tơbăt tơdrong 'nao 'lơ̆ng. Tơbăt tơdrong dŏng pơklaih khan kơ Siôn: “Kră Yang 'Bok Kei-Dei iĕm oei pơgơ̆r.”

Êsai 54:5

Yua kơ Tơ'ngla pơjing iĕm noh klo iĕm. Anăn Sư Kră Yang Tih Hloh. Tơ'ngla huai iŏk iĕm noh mă Tơ'ngla Rơgoh Isơrael; Sư noh boih Kră Yang 'Bok Kei-Dei kơ đĭ plĕnh teh.

Jôel 2:23

Ơ lu kon pơlei Siôn, chơt hiôk bĕ 'nă hal bĕ lăm Kră Yang 'Bok Kei-Dei lu iĕm, yua kơ Sư ăn tơdrong tơpăt jur thoi 'mi jruh lăm bơyan, ăn 'mi hrôih lăm bơyan blŭng-a păng ăn 'mi klui lăm bơyan tuch-luch thoi adrol sơ̆.

Habakuk 1:12

Ơ Kră Yang, 'Bok Kei-Dei inh, Kră Yang mă Tơ'ngla 'lơ̆ng rơgoh! Ih bơih Kră Yang đei đơ̆ng blŭng-a ala chă sơ̆ mă truh tơ ning-mônh dah kiơ? Thoi noh na lu nhôn huay kơ lôch! Ơ Kră Yang, Ih đei hơmet pơjing boih kon pơlei pơla âu wă sek phak lu nhôn. Ơ Tơmo kơjăp! Ih đei dan boih sư wă kơ phak pơbral, bơtho pơjĭ nhôn.

Jêphania 3:14

Ơ kon drŏ-kăn Siôn, hơri bĕ! Ơ adrĕch adrung Isơrael, iŏk chơt hiôk bĕ! Ơ kon adruh Jêrusalem, 'nă hal bĕ.

Jêphania 3:15

Kră Yang, huay pă sek tơlang ih boih, pơm ăn kơ lu ayăt kơ ih weh ataih đơ̆ng ih; pơtao Isơrael, wă khan Kră Yang, oei tŏk-bŏk ih, ih gô huay pă tơ'bơ̆p tơdrong gleh truh dơ̆ng.

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Mathiơ 21:5

“Khan kơ kon pơlei pơla Jêrusalem hŏ: Pơtao iĕm wă mơ̆t tơ pơlei iĕm năr âu. Sư bơngai iơ̆m dim, Sư ưh kơ băt pơang akâu kơdih ôh; Sư hao minh pôm aseh iĕ, Sư oei kơpal kơdŭ aseh iĕ đĕch.”

Mathiơ 25:34

Na Inh pơm Pơtao pơgơ̆r lu sư, Inh khan kơ lu bơngai mă oei gah 'ma kơ Inh thoi âu: ‘'Bă Inh ăn kơ iĕm hiôk tơpă, năm mơ̆t oei tơ dêh Sư bĕ, Sư hơmet kơ iĕm anih đơ̆ng Sư pơjing plĕnh teh sơ̆ boih.

Luka 19:27

Gah lu bơngai mă ayăt kơ inh, ưh kơ wă kơ inh pơm pơtao pơgơ̆r lu sư, iĕm dui anhăk lu sư tơ âu, pơlôch lu sư 'bơ̆t anăp inh.’ ”

Luka 19:38

“Bơnê kơ Pơtao bơ̆n truh tơ âu yua kơ Kră Yang wơh wă ăn kơ bơ̆n hiôk-hian. Bơnê kơ 'Bok Kei-Dei kơpal plĕnh ti.”

Yo 19:15

Lu sư ôr pơret: “Nhôn ưh kơ wă bơngai 'noh. Pơ̆ng pơlôch Sư tơ 'long pơglang.” Pilat khan dơ̆ng: “Inh pơ̆ng pơlôch 'Bok Pơtao iĕm hă?” Mă-lei lu 'bok soi tih khan: “Nhôn đei minh 'nu Sêsar đĕch pơm pơtao nhôn.”

Both 12:7

Tơ noh 'bơ̆t anăp Kră Yang 'Bok Kei-Dei lu iĕm, chơt hiôk sŏng sa hăm hnam dơnŏ, yua kơ dôm tơdrong jang đơ̆ng tơpang ti iĕm kơdih, na đei Kră Yang 'Bok Kei-Dei lu iĕm ăn pŭn hiôk kơ iĕm.

Philip 3:3

Lu bơ̆n âu boih kiơ̆ kơ tơdrong 'Bok Kei-Dei pơkă tơpă. Mă-lei bơ̆n ưh kơ kăl kơ tơdrong kăt tơdra akar chă pơpơm kơdih păng ti thoi noh ôh. Bơ̆n kăl kơ Yang Bơhngol 'Lơ̆ng đĕch; bơ̆n athei gơnang kơ Sư wă kơ bơ̆n gơh kiơ̆ 'Bok Kei-Dei trŏ thoi Sư wă. Tơdrong kăt tơdra akar chă pơm kơdih păng ti đĕch na bơ̆n 'nĕ kơ kiơ̆ ôh hli kơ bơ̆n gơnang kơ tơdrong bơ̆n pơm kơdih, bơ̆n athei gơnang kơ Yêsu Krist đĕch.

Tơdrông Tơ'bôh 19:6

Đơ̆ng noh inh kơtơ̆ng 'bơ̆r bơngai tơpôl pơma jơwa thoi đak chơkơi, thoi grơ̆m glaih thoi âu: “Halêluya, ư-ang kơ 'Bok Kei-Dei Kră Yang Tih Hloh. Sư wă pơgơ̆r tôm tơdrong ngăl boih.

I Sam 12:22

Kră Yang yua kơ anăn Sư tih dêh, na Sư ưh kơ achăng lê̆ kon pơlei Sư: Sư wă kơ lu iĕm pơm kon pơlei Sư.