Horiso 147:6 - Sơ̆p Hlabơar Nơ̆r 'Bok Kei-Dei

⁶ Kră Yang dŏng tơgŭm lu bơngai pơmat-tat. Teh tơhuŏng lu bơngai pơm kơnê̆ tơ teh.

Horiso 147:6 ပူးပေါင်းရင်းမြစ်များ

Horiso 145:14

Kră Yang, dŏng tơiung lu bơngai pơ̆k huŏng. Păng pơdơ̆ng tơpăt lu bơngai gu kơdŭ.

Horiso 149:4

Yua kơ Kră Yang hiôk lăp đon kơ kon pơlei pơla Sư; Sư iŏk tơdrong dŏng pơklaih pơhrôp ăn kơ lu bơngai iŏk đon ala.

Horiso 25:9

Sư gô ba lu iơ̆m dim, lăm trong tơpăt, Bơtho tơ'bôh trong Sư kơ lu bơngai chu yom.

Horiso 37:11

Mă-lei lu bơngai 'lơ̆ng tơpăt gô đei teh jang sa. Păng 'nă hal lăm tơdrong rơnŭk rơnua tih.

Horiso 41:13

Trŏ kơkuh bơnê kơ Kră Yang Kră Yang 'Bok Kei-Dei Isơrael Đơ̆ng âu truh tơ ning-mônh ling-lang A-men, A-men!

Horiso 55:23

Ơ Kră Yang 'Bok Kei-Dei ih boih gô. Klơ̆m lu bơngai pơm kơnê̆ chă pơhlŭ đe. Lu sư ưh pă đei arih truh minh puăt chăl đêl pơkă. Gah inh gô lui gơnang kơ Ih.

Jêphania 2:3

Chơchă bĕ Kră Yang ơ lu bơngai chu yom lăm teh đak, pơm kiơ̆ bĕ nơ̆r Kră Yang tơtă, chơchă tơdrong tơpăt Sư, chơchă bĕ tơdrong gơh găt, dah rŏ lăng đe gô ôn iĕm hlơp lăm năr Kră Yang hil.

Malachi 4:3

Lu iĕm gô pơjuă gơhlơ̆r lê̆ lu bơngai pơm kơnê̆, yua kơ lăm năr mă Inh pơm noh, lu sư nhen thoi rơnok tơ ala jơ̆ng lu iĕm.” Kră Yang Tih Hloh khan thoi noh.

Mathiơ 5:5

“Pŭn dêh lu bơngai mă ưh kơ wă pơang akâu sư kơdih, lu sư gô đei iŏk tơmam 'Bok Kei-Dei pơkă.

Ya 4:10

Iĕm athei pơma sơdrĭ tơ ala kơ Sư, na Sư 'brơ̆k mơnat tơiung iĕm.

I Pet 3:4

Bơ̆n wă kơ đe băt kơ bơ̆n bơngai 'lơ̆ng, bơ̆n athei ming jơhngơ̆m đon bơ̆n đĕch. Tơ̆ng jơhngơ̆m đon bơ̆n dim gơh găt hăm đe, noh kư̆m dang bơ̆n pơguăng akâu bơ̆n hăm tơmam mơ̆n. Tơmam thoi noh huay kơ hach răm, pơguăng akâu thoi noh 'Bok Kei-Dei lăp đon.

I Pet 5:6

Thoi noh na bơ̆n athei chu ala kơ 'Bok Kei-Dei ngăl yua kơ Sư Yang, Sư mơsêh; na trŏ năr Yêsu Krist jur ning-mônh Sư gô pôk pơư iĕm.

I Sam 2:8

Sư rô̆ tơiung bơngai dơnuh đơ̆ng 'mui teh; Sư pơdơ̆ng tơiung lu bơngai kơ'bah đơ̆ng lăm 'mui tơnuh, Wă kơ lu sư dơ̆ng hơdai hăm lu bơngai yŏng pơgơ̆r. Păng kư̆m ăn oei lăm anih đe pơyom. Jrăng plei teh noh đơ̆ng Kră Yang, Păng kơpal jrăng noh sư pơdơ̆ng bơih plei teh.