Horiso 145:18 - Sơ̆p Hlabơar Nơ̆r 'Bok Kei-Dei

¹⁸ Kră Yang oei jê̆ lu bơngai krao chă Sư. Wă khan oei jê̆ lu đe bu mă krao chă Sư đĭ jơhngơ̆m tơpă.

Horiso 145:18 ပူးပေါင်းရင်းမြစ်များ

Horiso 119:151

Ơ Kră Yang Ih oei jê̆; păng dôm lu nơ̆r Ih tơtă sĭt tơpă.

Horiso 119:2

Pŭn dêh kơ bu wei răk dôm nơ̆r Sư tơtă. Păng đĭ jơhngơ̆m krao chă Sư.

Horiso 17:1

Ơ Kră Yang! Apinh Ih mơ̆ng tơdrong tơpăt, Mơ̆ng pơnhen nơ̆r inh krao chă; Apinh pơgling đon Ih mơ̆ng nơ̆r inh krao khan. Đơ̆ng 'bơ̆r ưh kơ hơlĕnh.

Horiso 34:18

Kră Yang oei jê̆ lu bơngai đei chhŭr nuih, Păng dŏng pơklaih lu bơhngol mă sơ'ngon kơ tơdrong yoch

Horiso 46:1

Kră Yang 'Bok Kei-Dei jơ̆ anih kơ'nơp păng tơdrong pran kơtang lu nhôn. Sư gôa tơgŭm hloi 'bơ̆t năr anat anot.

Horiso 46:5

Kră Yang 'Bok Kei-Dei oei lăm pơlei noh, pơlei ei ưh kơ đei pơpơ̆. Lăp 'brưch pơgê hrôih Kră Yang 'Bok Kei-Dei tơgŭm sư boih.

Tơdrông Pơđơk 15:8

Tơmam soi lu bơngai kơnê̆ pơm 'mê̆ krưp kơ Kră Yang; Mă-lei đei nơ̆r krao khan đơ̆ng lu bơngai tơpăt Kră Yang lăp đon.

Êsai 58:9

Kơplah noh ih krao apinh Kră Yang gô tơl tơwih; ih krao Sư dŏng tơgŭm Sư khan: Đei Inh tơ âu! “Dah ih hŭt lê̆ tơdrong pơjuă pơđep păng ưh kơ đei dơhlâu ti pơma kư̆ kă.

Nhom 3:57

Năr inh krao Ih, Ih năm jê̆ inh boih, đei khan boih kơ inh: 'Nĕ kơ hli kơ kiơ!

Hôsia 7:14

Lu sư ưh kơ đei krao ôr chơchă Inh đơ̆ng lăm jơhngơ̆m, mă-lei lu sư oei ôr krao kơtă kơpal giơng tep lu sư, lu sư akŭm pơpôi 'ba păng sik hơmu păng lu sư achăng lê̆ Inh boih.

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

Yo 14:23

Yêsu khan kơ sư: “Bơngai bu 'mêm kơ Inh, bơngai 'noh sư gô lui yom kơ tơdrong Inh bơtho. 'Bă Inh 'mêm kơ sư, na nhi 'Bă Inh jur oei hăm sư.

Yo 4:24

'Bok Kei-Dei Sư Yang tơpă na lu bơngai mă kơkuh kơ Sư athei kơkuh mă tơpă hăm đĭ jơhngơ̆m đon sư.”

Both 4:7

Ưh kơ đei adrĕch tih ayơ mă đei yang jê̆ lu sư thoi Kră Yang 'Bok Kei-Dei oei jê̆ lu bơ̆n ling-lang na mơ̆ng rim nơ̆r krao khan thoi bơ̆n:

Ya 4:8

Iĕm năm jê̆ 'Bok Kei-Dei na 'Bok Kei-Dei oei jê̆ iĕm. Ơ lu bơngai yoch, 'nĕ pă pơm dôm tơdrong yoch iĕm juăt kơ pơm. Ơ lu bơngai đon 'bar pah, 'nĕ pă tơchĕng dôm tơdrong kơnê̆.