Horiso 145:17 - Sơ̆p Hlabơar Nơ̆r 'Bok Kei-Dei

¹⁷ Kră Yang boih 'lơ̆ng tơpăt lăm rim trong Sư. Băt 'mêm kơ rim tơdrong jang Sư.

Horiso 145:17 ပူးပေါင်းရင်းမြစ်များ

Bl 18:25

Na Ih ưh kơ wă pơm thoi noh aah? Pơlôch lu bơngai tơpăt hơdai hăm lu bơngai yoch; dĭng mah jô̆ lu bơngai tơpăt kư̆m thoi lu bơngai kơnê̆, ưh ôh, Kră Yang ưh kơ đei layơ pơm thoi noh! Kră Yang sek tơlang kơ jơ̆p teh đak, ưh kơ đei pơm tơdrong tơpăt aah?”

II Sam 22:31

Ơ Kră Yang 'Bok Kei-Dei, trong Ih 'lơ̆ng tơpăt; Nơ̆r Kră Yang pơkă trŏ kơ lui ngeh tơpă. Kră Yang jơ̆ khêl pĕng lu bơngai ôn kơ'nơp lăm Sư.

Jop 34:10

Mơ̆ng bĕ inh lu iĕm bơngai hlôh wao. Kră Yang 'Bok Kei-Dei ưh kơ đei layơ pơm kơnê̆, Kră Yang Tih Hloh ưh đei layơ đŏng đĕo.

Jop 34:12

Tơpă Kră Yang 'Bok Kei-Dei ưh kơ đei pơm kơnê̆ Kră Yang Tih Hloh ưh đei pơđŏng lê̆ tơdrong tơpăt.

Horiso 103:6

Kră Yang pơm tơdrong tơpăt, Păng sek trŏ hơnơ̆ng kơ lu bơngai mă gơ̆p pơjuă pơđep.

Horiso 112:4

Hơdah pơchrang tơ anih măng mu, kơ bơngai tơpăt. Bơngai 'lơ̆ng băt mơnat, đei jơhngơ̆m 'mêm mơnat păng 'lơ̆ng tơpăt.

Horiso 116:5

Kră Yang 'lơ̆ng tơpăt păng ăn tơdrong mơnat. Kră Yang 'Bok Kei-Dei lu bơ̆n đei jơhngơ̆m mơnat.

Horiso 50:6

Tơ plĕnh roi tơbăt tơdrong tơpăt Sư. Yua kơ Kră Yang 'Bok Kei-Dei boih Tơ'ngla sek tơlang. Sêla

Horiso 89:14

Tơdrong 'lơ̆ng tơpăt păng tơdrong tơpăt hơnơ̆ng jing hơnă tăng dŏ pơtao Ih. Tơdrong 'mêm, tơdrong 'lơ̆ng tơpăt năm 'bơ̆t anăp Ih.

Horiso 97:2

Hơmơ̆l păng măng mu gom tăp dăr kơ Sư; Tơdrong tơpăt tơdrong hơnơ̆ng pơm hơnă tang-dŏ pơtao Sư.

Êsai 45:21

Lê̆ lu sư năm pơđâu băl Ră roi bĕ, pơdah bĕ khan bĕ. Đơ̆ng chăl adrol sơ̆ bu ră roi pơdah tơdrong âu? Bu pơdah tơdrong âu đơ̆ng blŭng-a sơ̆? Hăm trŏ kơ Inh Kră Yang ưh? 'Nguaih kơ Inh ưh kơ đei 'Bok Kei-Dei nai ôh! Ưh kơ đei 'Bok Kei-Dei 'lơ̆ng tơpăt nai păng ưh kơ đei Kră Yang dŏng pơklaih nai yua kơ Inh bơih Kră Yang 'Bok Kei-Dei, ưh kơ đei yang nai dơ̆ng.

Jêphania 3:5

Kră Yang oei tŏk-bŏk sư jơ̆ tơdrong tơpăt, ưh kơ đei pơm kơnê̆, rim pơgê sư pơdah tơdrong tơpăt Sư, tơ hơdah ưh kơ đei layơ ưh. Mă-lei lu bơngai kơnê̆ ưh kơ băt mơlâu.

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Both 32:4

Kră Yang thoi Tơmo Tih 'lơ̆ng tôm; lu tơdrong Sư jang keh dang 'lơ̆ng tôm, trong Kră Yang tơpăt hơnơ̆ng. Sư boih Kră Yang 'Bok Kei-Dei sĭt, 'lơ̆ng tơpăt ưh kơ đei hơlĕnh. Sư tơpăt ling-lang 'lơ̆ng hơnơ̆ng.

Tơdrông Tơ'bôh 19:11

Inh kư̆m 'bôh plĕnh tơpơih păng 'bôh hloi aseh kok tơ noh. 'Bok mă oei hao aseh ei đe anăn Sư 'Bok 'Lơ̆ng Tơpăt. Tơdrong Sư sek tơlang đe kư̆m tơpăt, mă Sư blah rôp lu bơngai ayăt kơ Sư kư̆m kiơ̆ tơdrong tơpăt.

Tơdrông Tơ'bôh 19:2

Sư sek tơlang trŏ tơpă. Sư phak boih bơngai đi mă pơm jơ̆p kơ teh đak jing kơnê̆ 'mê̆-'mach, yua kơ tơdrong sư pơm kư̆ kă păng yua kơ sư pơlôch lu đĭch đam 'Bok Kei-Dei.”

Tơdrông Tơ'bôh 4:8

Rim kơ puăn anăn noh đei tơdrâu hlak pơnăr păng đei klong măt rŏng anăp jơ̆p-jang kơ akâu. Lu sư hơri ư-ang 'Bok Kei-Dei măng năr pă pơdơh 'bơ̆r. Tơdrong lu sư hơri ei thoi âu: “Ô 'lơ̆ng tơpă, ô kăl tơpă 'Bok Kei-Dei Kră Yang Tih Hloh. Pôm Ih đĕch 'lơ̆ng tơpăt. Ih đei đơ̆ng sơ̆ khơ̆ dang ei păng Ih gô jur ning-mônh.”