Horiso 145:15 - Sơ̆p Hlabơar Nơ̆r 'Bok Kei-Dei

¹⁵ Đĭ-đăng măt kon bơngai oei chang Ih. Ih ăn kơ lu sư tơmam sa kiơ̆ trŏ 'bơ̆t sư kăl yua.

Horiso 145:15 ပူးပေါင်းရင်းမြစ်များ

Bl 1:30

Gah lu kon sem bri, lu sem păr kơpal plĕnh păng lu sem dơrong nai kơpal teh, mă adrĕch ayơ đei arih na Inh ăn kơ rim 'nhĕt 'nhot adrih wă pơm tơmam sa,” đei hloi thoi noh.

Horiso 104:21

Lu dăm-brang mơlôh grĕnh chă sa, chă sa tơmam mă đơ̆ng Kră Yang 'Bok Kei-Dei ăn kơ lu sư.

Horiso 104:27

Đĭ-đăng lu sem brem chang gô Ih ăn tơmam sa kơ lu sư kiơ̆ kơ lăp.

Horiso 136:25

Sư kư̆m ăn tơmam sa kơ lu adrĕch sĕch akar. Tơdrong 'mêm Sư oei oei ling-lang.

Horiso 145:9

Kră Yang, pơm 'lơ̆ng kơ đĭ-đăng kon bơngai. Tơdrong Sư 'mêm mơnat rim kơ tơmam đêl Sư pơjing;

Jôel 2:22

Ơ lu kon sem brem lăm bri brah, 'nĕ pă hli, yua kơ 'nhĕt lăm bri noh bluh tơmơ̆ng boih, 'long đei plei, tơm 'long hơra đei plei păng tơm hơmu plei trem ngăl boih.

Mathiơ 6:26

Iĕm lăng lu sem păr, sư ưh kơ đei pơtăm 'ba, ưh kơ đei kĕch 'măn lê̆ tơ kŭ ôh, mă-lei 'Bă bơ̆n mă oei tơ plĕnh ti kư̆m hiĕm 'me sư mơ̆n. Pơma kiơ kơ iĕm, 'Bă bơ̆n tơ plĕnh ti Sư 'mêm kơ iĕm hloh kơ lu sem păr tơpă.

Luka 12:24

Iĕm lăng sem ak, sư ưh kơ đei pơtăm 'ba, ưh kơ đei kĕch 'măn lê̆ tơ pơk ôh, mă-lei 'Bok Kei-Dei kư̆m oei hiĕm 'me sư mơ̆n. Pơma kiơ kơ iĕm, 'Bok Kei-Dei 'mêm kơ iĕm hloh kơ lu sem păr tơpă.

Jang 17:25

Kră Yang 'Bok Kei-Dei ưh kơ kăl kơ bơ̆n tơgŭm Sư ôh yua kơ Sư boih ăn kơ bơ̆n arih păng ăn kơ bơ̆n đĭ-đăng tơmam bơ̆n kăl yua.