Horiso 145:10 - Sơ̆p Hlabơar Nơ̆r 'Bok Kei-Dei

¹⁰ Ơ Kră Yang, lu tơmam đêl Ih pơjing gô bơnê ư-ang kơ Ih; Dôm lu bơngai rơgoh gô hơri bơnê kơ Ih.

Horiso 145:10 ပူးပေါင်းရင်းမြစ်များ

Horiso 103:22

Hơri bơnê bĕ kơ Kră Yang! Ơ dôm lu sem tơmam mă Kră Yang pơjing, Lăm jơ̆p anih teh đak Sư, Ơ bơhngol inh, hơri bơnê bĕ kơ Kră Yang!

Horiso 104:24

Ơ Kră Yang, tơdrong jang Ih lơ tơpă. Hăm tơdrong gơh hơgei Ih pơjing tôm tơmam. Kơpal teh 'bĕnh-'bang kơ tơmam Ih.

Horiso 149:5

Ăn kơ đĭ lu bơngai 'lơ̆ng rơgoh chơt hiôk lăm tơdrong ư-ang Sư. Hơri chơt hiôk hloi tơ kơpal giơng lu sư!

Horiso 19:1

Lu hơtăl plĕnh ră roi tơdrong ư-ang Kră Yang 'Bok Kei-Dei, Tơ plĕnh ti tơ'bôh tơdrong jang đơ̆ng ti Sư pơm.

Horiso 22:23

Ơ lu bơngai băt hli yom kơ Kră Yang, bơnê bĕ kơ Sư, Ơ đĭ-đăng adrĕch Jakôp, kơkuh ư-ang bĕ kơ Sư, Ơ đĭ-đăng adrĕch adrung Isơrael hli yom bĕ kơ sư.

Horiso 30:4

Ơ lu bơngai 'lơ̆ng rơgoh Kră Yang, hơri bơnê bĕ kơ Sư. Bơnê kơ anăn 'lơ̆ng rơgohc Sư.

Horiso 30:5

Yua kơ tơdrong sư hil lăp tŏ sĕt, Gah tơdrong Sư mơnat đei đĭ chăl arih hloi: Tơdrong nhơ̆m hmoi lăp kiơ̆ kơmăng đĕch, Mă-lei truh pơgê hrôih đei chơt hiôk.

Horiso 32:11

Ơ lu bơngai tơpăt, chơt hiôk bĕ Păng 'nă hal bĕ lăm Kră Yang! Ơ lu bơngai đei jơhngơ̆m tơpăt, ôr jreo chơt bĕ!

Horiso 57:9

Kră Yang inh gô hơri bơnê kơ Ih lăm kon pơlei pơla. Hơri bơnê kơ Ih tơ jơ̆p kơ teh đak.

Horiso 68:26

“Ô lu kon sâu Isơrael kơkuh bơnê bĕ lăm năr iĕm akŭm tih. Hơri bơnê kơ Kră Yang 'Bok Kei-Dei sư boih Kră Yang.”

Horiso 69:35

Yua kơ Kră Yang 'Bok Kei-Dei gô pơklaih Siôn păng wă pơjing dơ̆ng lu pơlei tih lăm Juđa; Kon pơlei Sư gô oei tơ noh, iŏk teh jang sa.

Horiso 97:12

Ơ lu bơngai tơpăt lu iĕm chơt hiôk bĕ lăm Kră Yang. Bơnê kơ Anăn 'lơ̆ng rơgoh Sư.

Êsai 44:23

Ơ lu plĕnh, hơri chơt hiôk bĕ! Yua kơ Kră Yang pơm bơih tơdrong âu, Ơ teh đak ôr jreo bĕ, Ơ lu kông, ơ lu bri hăm lu 'long lăm noh hơri ôr bĕ! Yua kơ Kră Yang huai iŏk bơih Jakôp păng gô đei ư-ang lăm Isơrael.

Hêbrơ 13:15

Thoi noh na bĕ bơ̆n gơnang kơ Yêsu, pơyơ̆r kơ 'Bok Kei-Dei akâu bơ̆n hăm nơ̆r pơma ư-ang Sư ling-lang.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.