Horiso 144:2 - Sơ̆p Hlabơar Nơ̆r 'Bok Kei-Dei

² Sư Tơ'ngla 'mêm kơ inh păng kơđông kơjăp inh. Kră Yang jơ̆ hơbong sơlŭng kơjăp păng dŏng pơklaih inh. Thoi khêl pĕng inh păng anih inh kơ'nơp. Sư pơm kơ kon pơlei chu yom tơ ala jơ̆ng inh.

Horiso 144:2 ပူးပေါင်းရင်းမြစ်များ

Horiso 110:3

Lu kon pơlei pơgơ̆r lu sư kơdih năm. Năm năr Ih năm tơblah, pơdah tơdrong mơsêh Ih, Nhen thoi đak ngom pơgê hrôih. Lu bơngai hơmuh hơmŏng pơguăng ao rơgoh năm tơ Ih.

Horiso 18:2

Kră Yang thoi tơmo pĕng inh, jing kơđông inh, Kră Yang dŏng pơklaih inh; Kră Yang 'Bok Kei-Dei thoi tơmo pĕng inh, inh gô kơ'nơp tơ lăm Sư; khêl inh, hơke dŏng pơklaih inh păng anih kơjăp inh.

Horiso 18:47

Kră Yang 'Bok Kei-Dei, blah dŏng inh. Ăn kơ kon pơlei lui yom kơ inh.

Horiso 59:9

Ơ pran kơtang inh, inh gô lăng tơ Ih. Yua kơ Kră Yang 'Bok Kei-Dei jơ̆ anih kơjăp mă inh kơ'nơp.

Horiso 84:9

Ơ Kră Yang 'Bok Kei-Dei, Ih jơ̆ khêl pĕng lu nhôn, Lăng mơnat bĕ kơ tơ'ngla mă Ih đei hling đak rơmă pôk pơm pơtao.

Horiso 91:2

Inh gô khan gah Kră Yang: “Sư boih anih mă inh kơ'nơp păng kơđông kơjăp mă inh hơđơ̆ng. Sư boih Kră Yang 'Bok Kei-Dei mă inh gơnang.”

Tơdrông Pơđơk 18:10

Anăn Kră Yang jing kơđông kơjăp; Lu bơngai tơpăt băt kơdâu tơ noh đei anih kơ'nơp hơđơ̆ng.

Je 16:19

Ơ Kră Yang, Ih boih ăn kơ inh jơhngơ̆m pran kơtang, kơđông kơjăp inh. Anih mă inh kơ'nơp lăm năr pơmat-tat. Lu kon bơngai đơ̆ng tôch kơ teh đak gô năm kơkuh kơ Ih păng khan: “'Bok yă lu nhôn kơkuh kơ yang chă pơm, ưh kơ đei yua kiơ, ưh kơ đei tơgŭm kiơ.