Horiso 144:13 - Sơ̆p Hlabơar Nơ̆r 'Bok Kei-Dei

¹³ Ăn kơ pơk lu nhôn 'bĕnh kơ phe 'ba. Đei tôm tơmam mong 'măn. Ăn kơ triu lu nhôn chek lar lơ rơbâu hơngan tơ lăm bri săr nhôn.

Horiso 144:13 ပူးပေါင်းရင်းမြစ်များ

Lêwi 26:10

Lu iĕm oei sa tơmam lu iĕm 'măn lê̆ sơ̆. Đơ̆ng noh tuh hŭt lê̆ tơmam so noh wă 'măn mong tơmam 'nao.

Lêwi 26:5

Bơyan kĕch 'ba oei đei truh tơ bơyan phĕ plei hơmu, oei đei truh tơ bơyan rei, lu iĕm gô sŏng sa phĭ mah, arih hiôk hơđơ̆ng lăm char iĕm.

Malachi 3:10

Lu iĕm athei pơyơ̆r iŏk minh lăm mơjĭt tah tơ lăm pơk Inh, wă kơ đei tơmam sa lăm hnam Inh; păng đơ̆ng năr âu lu iĕm athei pơlong lăng Inh, Kră Yang Tih Hloh khan, lăng Inh hăm pơih lu 'măng-'mŏk tơ kơpal plĕnh ti tuh ăn tơdrong pŭn hiôk kơ lu iĕm dĭng truh anih mong pă đei!

Both 28:4

Kră Yang gô ăn pŭn hiôk kơ lu kon sâu iĕm, hơnik anăn lơlang, sem dơrong rơmo triu bơbe chek lar.a

Both 28:8

Kră Yang gô pơm ăn kơ iĕm pŭn hiôk, tơ lăm pơk 'ba păng tơ lăm lu tơdrong jang iĕm pơm; Sư gô ăn pŭn hiôk kơ iĕm lăm dêh char mă Kră Yang 'Bok Kei-Dei wă ăn.

Both 8:3

Sư ăn kơ iĕm pơngot 'me rong iĕm ăn kơ iĕm sa mana mă iĕm păng lu yă 'bok kư̆m tam mă biơh băt, wă bơtho iĕm băt, kon bơngai arih ưh kơ trŏ arih đơ̆ng tơmam sa đĕch ôh, mă-lei kon bơngai arih đơ̆ng nơ̆r Kră Yang.