Horiso 143:7 - Sơ̆p Hlabơar Nơ̆r 'Bok Kei-Dei

⁷ Ơ Kră Yang! Apinh Ih jah tĕnh tĕnh tơl tơwih nơ̆r inh. Bơhngol inh rơdu rơmơ̆n dêh. Apinh Ih 'nĕ kơ ôn muh măt Ih kơ inh. Hli kơ inh thoi bơngai jur tơ sơlŭng jrŭ.

Horiso 143:7 ပူးပေါင်းရင်းမြစ်များ

Horiso 102:2

Lăm năr pơmat-tat, apinh 'nĕ ôn muh măt Ih kơ inh. Apinh Ih pơgling đon mơ̆ng nơ̆r inh; Lăm năr inh krao hơpơi, apinh mă kuăng jah tơl tơwih kơ inh.

Horiso 22:24

Yua kơ Sư ưh kơ đei pơdê, ưh kơ krưp. Tơdrong pơmat kơ lu đe bu mă pơmat-tat, Kŭm ưh kơ đei ôn muh măt Sư kơ đe noh; Mưh lu sư krao apinh Sư, Sư tơl tơwih hloi

Horiso 27:9

Ơ Kră Yang 'Bok Kei-Dei mă dŏng pơklaih inh, Apinh 'nĕ ôn muh măt Ih kơ inh. 'Nĕ kơ pơpuh lu đĭch đam Ih Kơplah Ih hil blĕk. Ih jơ̆ Kră Yang tơgŭm dŏng inh, 'nĕ kơ lê̆ inh, 'nĕ kơ achăng inh.

Horiso 28:1

Ơ Kră Yang, inh krao apinh Ih, Ơ tơmo inh 'nĕ kơ chĭt đon Hăm inh. Dah Ih ngăn kơ inh. Inh gô thoi bơngai wă huŏng tơ lăm sơlŭng jrŭ.

Horiso 40:17

Gah inh jing dơnuh păng pơmat-tat. Apinh, Kră Yang 'blŏk kơ inh. Ih jơ̆ Kră Yang tơgŭm dŏng inh, Păng Kră Yang pơklaih inh. Ơ Kră Yang 'Bok Kei-Dei apinh Ih 'nĕ pă hiơ̆.

Horiso 69:17

Apinh Ih 'nĕ kơ ôn muh măt Ih kơ inh, Đĭch đam Ih, yua kơ inh oei pơmat-tat; Jah drơ̆ng nơ̆r inh bĕ.

Horiso 69:18

Apinh Ih năm jê̆ inh păng huai iŏk bơhngol inh. Apinh dŏng pơklaih inh đơ̆ng lu bơngai ayăt.

Horiso 69:3

Inh ôr đĭ lap, hơlŏng inh đĭ kro; Măt inh đĭ rơgah yua kơ chang gô Kră Yang 'Bok Kei-Dei.

Horiso 70:5

Gah inh tơnat pat, Kră Yang 'Bok Kei-Dei! Mă kuăng bĕ năm tơ inh. Ih boih Tơ'ngla dŏng tơgŭm inh păng pơklaih inh; Ơ Kră Yang 'nĕ kơ pơhiơ̆.

Horiso 71:12

Ơ Kră Yang 'Bok Kei-Dei! Lê̆ kơ hơtaih đơ̆ng inh. Ơ Kră Yang 'Bok Kei-Dei. Tơgŭm pơklaih inh mă kuăng kuăng.

Horiso 84:2

Bơhngol inh 'maih dêh năm tơ cham hnam Kră Yang, Inh ôr krao Kră Yang 'Bok Kei-Dei mă arih ling-lang hăm đĭ jơhngơ̆m sĕch akar inh.

Tơdrông Pơđơk 13:12

Tơdrong chang gô hiơ̆ kơ đei lei pơm kơ jơhngơ̆m jĭ; Bĭ tơdrong hơpơi đei hloi thoi tơnơm 'long tơdrong arih.

Êsai 38:18

Tơ dêh atâu ưh kơ gơh bơnê kơ Ih păng tơdrong lôch ưh kơ gơh ư-ang kơ Ih ôh, lu bơngai jur lăm sơlŭng jrŭ ưh kơ đei tơdrong chang hơmĕng kơ tơdrong tơpăt đơ̆ng Ih dơ̆ng.

Êsai 57:16

Inh ưh kơ wă jô̆ yoch ling-lang ôh, kư̆m ưh kơ hil mĭl ling-lang mơ̆n, hli kơ kơnh gô rơdu bơhngol păng kial dui jơhngơ̆m kon bơngai mă Inh đei pơjing bơih kư̆m hiong,

Êsai 8:17

Inh gô gơnang kơ Kră Yang păng chang gô Sư, jơ̆ Kră Yang mă ôn muh măt Sư đơ̆ng adrĕch Jakôp.

Luka 21:26

'Bok Kei-Dei gô gơgŭ sơnglŏng đơ̆ng plĕnh na kon bơngai chang gô kơ tơdrong anat anot wă truh tơ jơ̆p-jang kơ ala teh âu, na lu sư hli dang lĕ kơ wă lôch.