Horiso 143:11 - Sơ̆p Hlabơar Nơ̆r 'Bok Kei-Dei

¹¹ Ơ Kră Yang, yua kơ anăn Ih. Ăn kơ inh arih Lăm tơdrong tơpăt Ih, dui iŏk inh klaih đơ̆ng tơdrong pơmat-tat.

Horiso 143:11 ပူးပေါင်းရင်းမြစ်များ

Horiso 119:107

Ơ Kră Yang! Inh pơmat-tat dêh; Apinh Ih pơrih inh dơ̆ng kiơ̆ thoi nơ̆r Ih.

Horiso 119:25

Bơhngol inh klep lăm 'mui teh. Tơiung pơrih inh dơ̆ng. Kiơ̆ kơ nơ̆r Ih.

Horiso 119:37

Apinh Ih pơdăr măt inh wă kơ huay lăng lu tơdrong ưh kơ yua. Ăn kơ inh gơh arih kiơ̆ lăm lu trong Ih.

Horiso 119:40

Âu, inh hơpơi wă dôm lu nơ̆r Ih bơtho tơtă. Apinh ăn kơ inh gơh arih kiơ̆ lăm trong tơdrong tơpăt Ih.

Horiso 119:88

Apinh Ih ăn kơ inh gơh arih Kiơ̆ kơ tơdrong 'mêm Ih, Na inh gô wei răk nơ̆r Ih bơtho khan.

Horiso 138:7

Mă inh oei lăm pơmat-tat, Ih wei tơdrong arih inh, Ih yơ̆r ti tơblah plơ̆ kơ tơdrong mă lu ayăt hil kơ inh, ti 'ma Ih dŏng pơklaih inh.

Horiso 143:1

Ơ Kră Yang, apinh Ih mơ̆ng nơ̆r inh krao khan, pơgling đon Ih mơ̆ng dôm nơ̆r inh krao apinh Ih mơnat. Lăm tơdrong 'lơ̆ng tơpăt, yua kơ Ih tơpăt sĭt, apinh Ih tơl tơwih nơ̆r inh hơpơi.

Horiso 25:11

Yua kơ anăn Ih, Ơ Kră Yang, Mơnat ăn tơdrong yoch kơnê̆ inh, mă khan yoch noh tih dêh.

Horiso 25:17

Tơdrong hli hlơt inh rai dêh, apinh Ih pơklaih inh đơ̆ng tơdrong hơnat hơnot.

Horiso 31:1

Ơ Kră Yang, inh ôn kơ'nơp lăm Ih. 'Nĕ ăn kơ inh mơlâu ling-lang. Apinh tơdrong tơpăt Ih tơgŭm dŏng inh.

Horiso 34:19

Lu bơngai 'lơ̆ng tơpăt đei lơ tơdrong pơmat-tat truh. Mă-lei Kră Yang dŏng pơklaih đĭ tơdrong noh.

Horiso 71:2

Lăm tơdrong tơpăt Ih, apinh Ih dŏng pơklaih inh păng ăn kơ inh gơh rơngei. Pơgling đon mơ̆ng inh păng pơklaih inh.

Horiso 85:6

Ih ưh pă tơiung lu nhôn dơ̆ng boih hă? Wă kơ kon pơlei Ih chơt hiôk lăm Ih?

Habakuk 3:2

Ơ Kră Yang! Inh kơtơ̆ng boih đe roi gah anăn Ih păng tơdrong Ih pơm na inh hli tơrơ. Ơ Kră Yang! Apinh Ih ăn tơdrong jang Ih oei hơnơ̆ng rim khei rim sơnăm lăm teh đak. Apinh Ih bơtho tơ'bôh ăn kơ rim 'nu băt nhen! Kơplah Ih oei hil, apinh Ih 'nĕ kơ hiơt tơdrong mơnat!