Horiso 142:6 - Sơ̆p Hlabơar Nơ̆r 'Bok Kei-Dei

⁶ Apinh Ih mơ̆ng nơ̆r inh krao khan. Yua kơ inh pơmat-tat dêh; Apinh Ih dŏng pơklaih inh đơ̆ng lu bơngai pơmat inh. Yua kơ lu sư pran hloh kơ inh.

Horiso 142:6 ပူးပေါင်းရင်းမြစ်များ

Horiso 116:6

Kră Yang wei-lăng lu bơngai tơpăt; Tơdah inh pơmat-tat Sư pơklaih inh hloi,

Horiso 136:23

Sư 'blŏk hơdơ̆r kơ lu nhôn răm-'băm. Tơdrong 'mêm Sư oei oei ling-lang.

Horiso 143:3

Lu ayăt druh bơhngol inh, pơjuă bơhlơ̆r tơdrong arih inh tơ teh; Sư ăn kơ inh oei tơ lăm măng mu. Thoi bơngai lôch đĭ đunh boih.

Horiso 143:7

Ơ Kră Yang! Apinh Ih jah tĕnh tĕnh tơl tơwih nơ̆r inh. Bơhngol inh rơdu rơmơ̆n dêh. Apinh Ih 'nĕ kơ ôn muh măt Ih kơ inh. Hli kơ inh thoi bơngai jur tơ sơlŭng jrŭ.

Horiso 17:1

Ơ Kră Yang! Apinh Ih mơ̆ng tơdrong tơpăt, Mơ̆ng pơnhen nơ̆r inh krao chă; Apinh pơgling đon Ih mơ̆ng nơ̆r inh krao khan. Đơ̆ng 'bơ̆r ưh kơ hơlĕnh.

Horiso 18:17

Sư dŏng pơklaih inh đơ̆ng lu ayăt mă pran kơtang. Đơ̆ng lu bơngai areh kơ inh, yua kơ lu sư pran hloh kơ inh.

Horiso 27:13

Ngeh tơpă Inh gô 'bôh tơdrong pŭn hiôk đơ̆ng Kră Yang tơ lăm teh đak lu bơngai arih.

Horiso 3:1

Ơ Kră Yang! Lu ayăt kơ inh lơ dêh pă băt dôm yơ! Lu bơngai iung blah inh lơ dêh tơpă!

Horiso 38:19

Mă-lei lu ayăt kơ inh oei arih păng pran. Lu bơngai areh kơ inh tơdrong kơ đei lơ tơpă.

Horiso 46:2

Thoi noh, na lu nhôn huay kơ hli mă teh tơplih. Kông pơpơ̆ păng huŏng tơ lăm đak dơsĭ.b

Horiso 59:3

Yua kơ to, lu sư răp wă pơlôch inh; Lu bơngai pơm kơnê̆ pơđâu băl wă pơm kơ inh. Ưh kơ trŏ yua kơ inh pơm glăi. Kŭm ưh kơ trŏ yua kơ tơdrong yoch inh.

Horiso 79:8

Apinh Ih 'nĕ pă 'blŏk, 'nĕ pă jô̆ dôm tơdrong yoch kơnê̆ lu yă 'bok nhôn sơ̆; Apinh tơdrong 'mêm mơnat Ih tĕnh tĕnh tơgŭm lu nhôn, yua kơ lu nhôn pơmat dêh boih.

Horiso 91:2

Inh gô khan gah Kră Yang: “Sư boih anih mă inh kơ'nơp păng kơđông kơjăp mă inh hơđơ̆ng. Sư boih Kră Yang 'Bok Kei-Dei mă inh gơnang.”

Rom 8:33

Bơ̆n tơ'ngla 'Bok Kei-Dei rơih iŏk jô̆ bơ̆n jing bơngai 'lơ̆ng hăm Sư boih, thoi yơ đe gơh jô̆ kơ bơ̆n bơngai yoch hăm 'Bok Kei-Dei?

Rom 8:37

Mă tơdrong truh kơ bơ̆n thoi noh, bơ̆n 'nĕ kơ hli, gô jei bơ̆n tơpă yua kơ bơ̆n đei Kră Yang bơ̆n Yêsu, bơ̆n hơđơ̆ng kơ tơdrong Sư 'mêm kơ bơ̆n, hăm Sư tơgŭm bơ̆n lăm tôm tơdrong.

I Sam 24:14

Pơtao Isơrael tơblah hăm bu? Ih druh 'moi bu? Minh pơm kŏ lôch! Minh pơm siso!