Horiso 14:4 - Sơ̆p Hlabơar Nơ̆r 'Bok Kei-Dei

⁴ Hăm trŏ kơ đĭ-đăng lu bơngai pơm kơnê̆, ưh kơ đei đon băt? Na lu sư luăn sa kon pơlei Inh nhen thoi sa 'bĕng. Păng kư̆m ưh kơ đei apinh Kră Yang ôh.

Horiso 14:4 ပူးပေါင်းရင်းမြစ်များ

Jop 21:15

Kră Yang Tih Hloh noh kiơ, mă lu nhôn athei kơkuh kơ Sư? Krao khan apinh Sư đei lơi yua kiơ kơ lu nhôn?”

Jop 27:10

Lu sư hăm đei chơchă tơdrong hiôk chơt lăm Kră Yang Tih Hloh, Hăm đei krao apinh Kră Yang 'Bok Kei-Dei ling-lang ưh?

Horiso 27:2

Mưh lu bơngai pơm kơnê̆ bruh Wă hek sa sĕch inh, lu ayăt hăm lu bơngai wă blah inh. Na lu sư pơ̆k đĭ-đăng.

Horiso 79:6

Tuh bĕ tơdrong Ih hil kơ lu teh đak mă ưh kơ băt kơ Ih. Păng tơ lu teh đak mă ưh kơ đei krao apinh hăm anăn Ih

Horiso 82:5

Lu sư ưh kơ băt kiơ, kư̆m ưh kơ hlôh kiơ; Lu sư oei yak tơ âu tơ to lăm măng mu; Jơ̆p anih kơpal teh pă đei tơdrong tơpăt boih.

Tơdrông Pơđơk 30:14

Đei khŭl bơngai hơnĕnh sư thoi đao gưm. Hơnĕnh tơ'ngam sư thoi săng, Wă luăn sa lu bơngai dơnuh hoh đơ̆ng teh, păng đơ̆ng lăm adrĕch kon bơngai.

Êsai 27:11

Mưh lu dơng sư kro păng tơgơ̆ hơlŭng, lu drŏ-kăn dônh chĕp ba pơm hơpaih. Kon pơlei âu ưh kơ hlôh ôh, na Tơ'ngla mă pơjing lu sư ưh kơ 'blŏk mơnat, Tơ'ngla man pơjing lu sư ưh kơ tơ'bôh ăn tơdrong hiôk kơ lu sư.

Êsai 29:14

Thoi noh Inh gô pơm tơdrong hlĭch chrơp kơ kon pơlei âu, đơ̆ng tơdrong hlĭch âu truh tơdrong hlĭch nai. Tơdrong hlôh băt lu bơngai hlôh băt ưh pă yua kiơ, tơdrong hơgei lu bơngai hơgei gô hiong tôch.

Êsai 45:20

Ơ lu kon pơlei klaih đơ̆ng anat anot đơ̆ng jơ̆p kơ dêh char. Năm tơ âu akŭm băl bĕ, đĭ-đăng wang năm jê̆. Lu bơngai tung rup yang pơm păng 'long. Lu sư ưh kơ hlôh krao khan kơ yang mă ưh kơ gơh dŏng pơklaih lu sư.

Êsai 5:13

Yua ưh kơhlôh kơwao na kon pơlei pơla Inh jing pơm đĭch đe, lu bơngai yŏng mơng jing lôch kơ pơngot rơwĕt, kon pơlei lu sư jing ol ăk yua kơ rơhing kơ đak.

Êsai 64:6

Lu nhôn đĭ-đăng jing nhen thoi bơngai 'mê̆-'mach bơih, dôm tơdrong tơpăt lu nhôn, nhen thoi ao mơgrĭ. Lu nhôn đĭ-đăng tă kơ nhen hla jô, păng tơdrong kơnê̆ lu nhôn nhen thoi kial pơđông đĭ lu nhôn.

Êsai 64:7

Ưh kơ đei bu krao chă anăn Ih, kư̆m ưh kơ đei bu 'blŏk wă rôp kơjăp kiơ̆ Ih, yua kơ Ih ôn bơih muh măt Ih kơ lu nhôn, lê̆ lu nhôn răm lăm tơdrong yoch lu nhôn kơdih.

Je 10:25

Tuh bĕ tơdrong Ih hil mĭl kơ lu dêh char, Lu dêh char mă ưh kơ băt kơ Ih, Păng lu adrĕch adrung mă ưh kơ krao khan hăm anăn Ih. Yua kơ lu sư pơrăm boih Jakôp, Lu sư pơlôch pơrăm sư, Lu sư pơrăm dêh char sư.

Hôsia 7:7

Đĭ-đăng lu sư tơtŏ thoi tơnuh ŭnh, đơ̆ng noh sa lu kră sek tơlang, đĭ-đăng pơtao lu sư huŏng boih mă-lei ưh kơ đei bu lăm lu sư krao chă Inh.

Am 8:4

Iĕm mă lu bơngai luăn sa pơjuă bơhlơ̆r lu bơngai dơnuh hin păng pơrăm lu bơngai pơmat-tat kơpal teh, mơ̆ng bĕ nơ̆r 'nâu.

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.

Galati 5:15

Thoi noh iĕm 'nĕ kơ pơrăm dih băl hli kơ hiong đĭ tơdrong lui iĕm. Dah iĕm pơm thoi noh dang lĕ kơ sem bri tơkăp dih băl jing lôch răm akâu kơdih.