Horiso 138:4 - Sơ̆p Hlabơar Nơ̆r 'Bok Kei-Dei

⁴ Ơ Kră Yang, ăn đĭ kơ lu pơtao lăm teh đak kơkuh bơnê kơ Ih. Mưh lu sư kơtơ̆ng nơ̆r đơ̆ng 'bơ̆r Ih.

Horiso 138:4 ပူးပေါင်းရင်းမြစ်များ

Horiso 102:15

Đĭ kon pơlei pơla gô hli yom kơ anăn Kră Yang, Đĭ-đăng pơtao lăm teh đak gô hli yom kơ tơdrong ư-ang Ih.

Horiso 102:22

Kơplah lu kon pơlei, lu dêh char pơtao akŭm băl wă kơkuh kơ Kră Yang.

Horiso 22:22

Inh gô ră roi anăn Ih kơ lu 'nhŏng oh inh, Păng bơnê kơ Ih lăm kon pơlei inh.

Horiso 22:27

Đơ̆ng tôch kơ teh đak gô 'blŏk păng wih tơ Kră Yang; Đĭ adrĕch adrung kon bơngai gô kơkuh 'bơ̆t anăp Sư.

Horiso 51:13

Na inh gô bơtho trong Ih kơ lu pơm glăi, Păng lu bơngai đei yoch gô wih tơ Ih.

Horiso 57:9

Kră Yang inh gô hơri bơnê kơ Ih lăm kon pơlei pơla. Hơri bơnê kơ Ih tơ jơ̆p kơ teh đak.

Horiso 71:18

Ơ Kră Yang 'Bok Kei-Dei, mă khan inh kră, hăm sŏk ko boih. Apinh Ih 'nĕ achăng lê̆ inh, Dĭng inh đei ră roi kơ rim jơhnơr, tơdrong pran kơtang Ih. Păng tơdrong gơh kĕ mơsêh mơyang Ih kơ lu bơngai.

Horiso 72:11

Đĭ-đăng pơtao gô drap kơkuh 'bơ̆t anăp sư; Rim teh đak gô bơ̆jang kơ sư.

Êsai 49:23

Lu pơtao gô pơm 'bă wei rong iĕm, lu akăn pơtao gô pơm bơngai wei rong tơmŏm iĕm. Lu sư gô kŭp drap tơ teh chu kơ iĕm; liah 'mui teh tơ jơ̆ng iĕm; kơplah noh iĕm gô băt kơ Inh bơih Kră Yang, păng lu bơngai gơnang kơ Inh gô ưh kơ đei mơlâu.”

Êsai 60:16

Ih gô mŏm đak toh lu dêh char păng lu pơtao thoi mĕ gô tơmŏm 'me rong Ih. Ih gô băt kơ Inh bơih Kră Yang Tơ'ngla dŏng pơklaih ih Tơ'ngla huai iŏk ih păng Tơ'ngla mơsêh pran kơtang adrĕch Jakôp.

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”

Tơdrông Tơ'bôh 21:24

Rim kơ khŭl kon bơngai jơ̆p kơ teh đak gô yak nơnăm yua hơdah pơlei noh pơchrang. Kư̆m đei lu 'bok pơtao đơ̆ng jơ̆p kơ teh đak năm ư-ang kơ 'Bok Kei-Dei hăm Kon Triu tơ noh.