Horiso 137:3 - Sơ̆p Hlabơar Nơ̆r 'Bok Kei-Dei

³ Yua kơ tơ noh lu bơngai mă rôp nhôn pơm bơnă. Athei lu nhôn hơri; Lu bơngai pơjuă pơjăm lu nhôn athei lu nhôn hơri chơt hiôk: “Hơri bĕ kơ nhôn 'bai hơri pơlei Siôn.”

Horiso 137:3 ပူးပေါင်းရင်းမြစ်များ

I Ho 15:27

Đawit păng lu bơngai Lêwi tung hom pơgơ̆p, lu bơngai hơri, Kênania, yŏng pơgơ̆r lu bơngai hơri, tă kơ hrŭk ao tai che 'bui ngăl; Đawit kư̆m hrŭk tơ akâu sư minh blah ao êphot păng che 'bui.

I Ho 16:7

'Bơ̆t năr noh Đawit pơjao ăn blŭng-a kơ Asap hăm lu 'nhŏng oh sư jang hơri bơnê kơ Kră Yang.

Ne 4:2

Sư khan 'bơ̆t anăp lu 'nhŏng oh sư păng lu linh char Samari; lu bơngai Juđa rơdu tơrăn ei pơm kiơ? Lu sư tơchĕng khan kĕ man ming dur pơlei ei hă? Lu sư khan wă pơyơ̆r tơmam soi hă? Lăm minh năr lu sư gô pơm keh hă? Tơmo đêl ŭnh sa đĭ boih, lu sư hăm wă gơh iŏk đĭ jing 'mui teh pơm pơjing thoi tơmo dơ̆ng hă?

Horiso 65:1

Ơ Kră Yang 'Bok Kei-Dei, tơ Siôn Ih trŏ kơ đe kơkuh bơnê. Lu sư gô pơkeh dôm nơ̆r đêl lu sư pơkă, hăm Ih!

Horiso 79:1

Ơ Kră Yang 'Bok Kei-Dei, lu bơngai tơmoi blah iŏk boih teh đak Ih. Pơm mơgrĭ kơ hnam akŭm Ih păng pơm kơ Jêrusalem hĕch hoch đĭ.

Horiso 80:6

Ih pơm ăn kơ lu bơngai jih 'ma pơjah tơgar kơ lu nhôn; Păng lu ayăt kơ nhôn lu sư hiĕk pơjăm lu nhôn.

Horiso 9:14

Tơ 'măng jang kon hơdruh Siôn. Inh ră roi đĭ dôm tơdrong 'mêm bơnê kơ Ih, Păng gô chơt hiôk lăm tơdrong Ih dŏng pơklaih

Tơdrông Pơđơk 25:20

Bu hơri kơ đe năr đe ơh sơ'ngon. Thoi plôh ao hơ'bơ̆l năr tơngiĕt. Thoi tuh đak iŭ tơ đak Sôđa.

Êsai 35:10

Lu bơngai mă Kră Yang huai iŏk bơih gô brŏk. Năm mơ̆t tơ pơlei Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, na tơdrong ơh sơ'ngon chhŭr nuih gô hiong đĭ.

Êsai 51:11

Kon pơlei mă Kră Yang huai iŏk bơih gô brŏk, Năm mơ̆t tơ Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, tơdrong ơh sơ'ngon chhŭr nuih gô hiong đĭ.

Je 26:18

Mika pơlei Môrêsêt, bơngai khan lê̆ adrol lăm chăl Hesekia, pơtao đe Juđa, kư̆m đei khan lê̆ adrol hăm lu bơngai Juđa: ‘Kră Yang Tih Hloh khan: Siôn đe gô choh rơuơ thoi chŭn, Jêrusalem gô pơchah răm jing juơ, păng kông đe man hnam akŭm jing bri kơdrơ̆ng.’

Je 9:11

Inh gô pơm kơ pơlei Jêrusalem jing anih rơ̆m rĕk. Jing anih kơ lu kŏ bri oei; păng kơ char Juđa jing juơ, ưh kơ đei bơngai bu gơh oei.”

Mi 3:12

Thoi noh yua kơ lu iĕm, Siôn đe gô choh rơuơ thoi chŭn. Jêrusalem gô pơchah pơchek jing rơ̆m rĕk kông hnam yang jing thoi bri brah!

Luka 21:6

Na Yêsu khan: “Iĕm 'bôh boih hnam akŭm tơm âu 'lơ̆ng rŏ mă-lei ning-mônh hnam âu gô pơchah reng 'beng ưh pă đei tơmo ayơ tơklep băl dơ̆ng. Đe gô teh pơchah đĭ.”