Horiso 136:16 - Sơ̆p Hlabơar Nơ̆r 'Bok Kei-Dei

¹⁶ Sư chông kon pơlei Sư rok char 'blach. Tơdrong 'mêm Sư oei oei ling-lang.

Horiso 136:16 ပူးပေါင်းရင်းမြစ်များ

Ne 9:12

Kơ'năr Ih yua hơmơ̆l chông anhăk lu sư păng kơmăng Ih yua jrăng ŭnh, wă pơchrang hơdah kơ lu sư yak năm rok trong.

Ne 9:19

Mă-lei Ih yua tơdrong Ih 'mêm, ưh kơ đei achăng lê̆ lu sư lăm char glă, jrăng hơmơ̆l chông anhăk rok trong kơ'năr, ưh kơ weh đơ̆ng lu sư ôh, kơmăng jrăng ŭnh pơchrang hơdah păng tơ'bôh trong kơ lu sư yak kiơ̆.

Horiso 77:20

Ih yua ti Môis păng Arôn chông anhăk kon pơlei pơla Ih thoi khŭl triu.

Le 13:18

Lei na Kră Yang 'Bok Kei-Dei chông ba lu kon pơlei năm dăr rok kiơ̆ trong lăm char glă, gah Đak Dơsĭ 'Brê. Kon pơlei Isơrael chĕp khêl đao lĕch đơ̆ng dêh Êyiptơ.

Le 15:22

Môis chông kon pơlei Isơrael năm đơ̆ng đak dơsĭ 'brê, lu sư năm truh tơ tơmăn glă Sur; pêng năr kơ trong năm lăm tơmăn glă, chă đak ưh kơ đei.

Êsai 49:10

Lu sư gô ưh kơ đei pơngot, ưh kơ đei ol kơ đak, hơyuh tŏ dah măt 'năr ưh kơ đei pơm kơ lu sư tŏ. Yua kơ Tơ'ngla 'mêm mơnat lu sư, gô chông anhăk ba lu sư năm truh tơ jê̆ cheng đak glung.

Both 11:5

Kon sâu lu iĕm kư̆m ưh kơ 'bôh tơdrong Sư pơm boih kơ lu iĕm lăm char glă mă dĭng tơ lu iĕm truh tơ anih 'nâu.

Both 8:15

Kră Yang chông ba iĕm rok char glă să pă băt krưp dêh, đei 'bih tang, hơguăt, teh hrĕng kro, ưh kơ đei đak ôh, Sư ăn đak lĕch đơ̆ng tơmo arăk tơpă.

Both 8:2

Athei 'blŏk kơ đĭ-đăng trong mă Kră Yang 'Bok Kei-Dei iĕm chông anhăk ba iĕm lăm puăn-jĭt sơnăm kơ 'nâu tơ lăm char glă pơmat-tat, wă pơlong iĕm, wă kơ băt iĕm hăm đei wei răk dôm nơ̆r Sư tơtă dah ưh.