Horiso 132:11 - Sơ̆p Hlabơar Nơ̆r 'Bok Kei-Dei

¹¹ Kră Yang đei pơkă pơkăm boih hăm Đawit. Sư ưh kơ đei sơngah dơ̆ng: “Inh gô pôk hơtŏk tơ tang-dŏ pơtao Ih. Minh 'nu kon drŏ-nglo lĕch đơ̆ng akâu akar Ih.

Horiso 132:11 ပူးပေါင်းရင်းမြစ်များ

II Sam 7:12

Lăp jơ 'năr ih đĭ boih, păng ih lôch năm oei hơdai hăm lu 'bok yă ih, na Inh gô pôk minh 'nu đơ̆ng lăm adrĕch adrung ih sư noh đơ̆ng kon ih pơjing wă pơtrơp kơ tang-dŏ pơtao ih, păng Inh gô ăn kơ dêh char pơtao sư kơjăp.

II Sam 7:14

Inh gô pơm 'bă sư, sư gô jing kon Inh. Tơdah sư pơm yoch, tơpă Inh gô teh bơtho sư hăm sơnguĕt, thoi mĕ 'bă teh bơtho kon;

II Sam 7:16

Adrĕch hnam ih ưh kơ đei khăi bơngai pơtrơp ih; Inh gô ăn tang-dŏ ih kơjăp khŏm khŏm. Păng dêh char pơtao ih oei kơjăp ling-lang khŏm khŏm.”

I Pot 1:48

păng khan: ‘Kơkuh bơnê ư-ang kơ Kră Yang 'Bok Kei-Dei bơngai Isơrael, năr 'nâu Ih đei ăn kơ măt inh đei 'bôh boih kon drŏ-nglo inh hơ-oei kơpal tang-dŏ pơtao inh.’ ”

I Pot 8:25

“Dang ei, ơ Kră Yang 'Bok Kei-Dei Isơrael! Apinh Ih pơm pơkeh bĕ đơ̆ng nơ̆r Ih pơkă hăm 'bă inh Đawit, đĭch đam Ih. Ih đei pơkă khan: “'Bơ̆t anăp Inh ih ưh kơ đei khăi ôh bơngai gô hơ-oei kơpal tang-dŏ pơtao Isơrael tơdah lu kon sâu ih năm rok trong ih mă năm adrol bơih 'bơ̆t anăp Inh.”

II Ho 6:16

Dang ei, ơ Kră Yang 'Bok Kei-Dei Isơrael răk bĕ nơ̆r Ih đei pơkă boih hăm 'bă inh, Đawit đĭch đam Ih, thoi âu: “'Bơ̆t anăp Inh ưh kơ đei khăi ôh kơ bơngai pơtrơp pơm pơtao pơgơ̆r lu bơngai Isơrael tơdah kon sâu ih mă pơ'lơ̆ng trong lu sư yak, wei răk khôi juăt Inh, thoi ih đei pơm boih 'bơ̆t anăp Inh.”

II Ho 7:18

na Inh gô ăn kơ dêh char pơtao Ih pran kơjăp thoi nơ̆r Inh pơkă pơgơ̆p hăm 'bă ih, Đawit thoi âu: Lăm adrĕch Isơrael ưh kơ'bah bơngai pơgơ̆r Isơrael.

Horiso 110:4

Kră Yang đei pơkă pơkăm kơdih; Sư ưh kơ đei tơplih đon: “Ih jing 'bok soi ling-lang, kiơ̆ thoi Mêlkisêdek.”

Horiso 89:33

Mă-lei inh ưh kơ đei lê̆ ôh tơdrong 'mêm kơ lu sư. Păng inh kư̆m ưh kơ lê̆ mơ̆n pơm 'lơ̆ng tơpăt hăm sư.

Horiso 89:35

Inh yua anăn 'lơ̆ng rơgoh Inh na pơkă pơkăm minh wơ̆t đĕch keh boih. Păng ưh kơ đei pơma hơlĕnh hăm Đawit,

Horiso 89:37

Sư gô kơjăp ling-lang thoi măt khei. Thoi đei tơ'bôh sĭt tơ kơpal plĕnh noh.” Sêla

Horiso 89:5

Ơ Kră Yang, jơ̆p kơ plĕnh, gô kơkuh bơnê kơ tơdrong hlĭch chrơp Ih. Tơdrong tơpăt Ih đe kư̆m gô kơkuh bơnê. Tơ lăm khŭl 'lơ̆ng rơgoh.

Jo 23:19

Kră Yang ưh kơ trŏ thoi minh 'nu kon bơngai gơh pơma hơlĕnh, Kŭm ưh kơ trŏ thoi kon bơngai mă gơh tơplih tơdrong tơchĕng ôh. Tơdrong mă sư khan boih, mă sư jor kơ pơm hă? Tơdrong mă sư pơkă, sư ưh kơ pơm keh hă?

Luka 1:32

Sư pơm tih păng đe krao Sư Kon 'Bok Kei-Dei Kră Yang mă tih hloh. Kră Yang 'Bok Kei-Dei wă ăn kơ Sư pơm pơtao iĕm, kư̆m thoi 'bok pơtao Đawit iĕm sơ̆.

Jang 2:30

'Bok pơtao Đawit bơngai khan lê̆ hơdrol. 'Bok Kei-Dei pơkă kơ sư khan, kon sâu sư ning-mônh gô pơm Pơtao kư̆m lei-lăi thoi sư sơ̆ mơ̆n.

Hêbrơ 6:18

'Bok Kei-Dei pơkă wă tơgŭm bơ̆n tơdrong noh, Sư pao anăn Sư kơdih hloi, na bơ̆n băt kơ tơdrong Sư pơkă noh Sư ưh kơ gơh lê̆ ôh, yua kơ Sư ưh kơ lah hơlĕnh. Thoi noh na lu bơ̆n mă kơdâu kơ'nơp tơ akâu Sư, bơ̆n băt kơ Sư wă tơgŭm bơ̆n tơpă.

I Sam 15:29

Hloh kơ noh Kră Yang arih ling-lang lu bơngai Isơrael ưh kơ pơma hơlĕnh, kư̆m ưh kơ tơplih nơ̆r; yua kơ ưh kơ trŏ kơ kon bơngai na mă tơplih nơ̆r!