Horiso 128:5 - Sơ̆p Hlabơar Nơ̆r 'Bok Kei-Dei

⁵ Hơpơi kơ Kră Yang đơ̆ng Siôn ăn pŭn hiôk kơ ih. Hơpơi lăm đĭ chăl arih ih 'bôh dôm tơdrong pŭn hiôk Jêrusalem.

Horiso 128:5 ပူးပေါင်းရင်းမြစ်များ

Horiso 118:26

Pŭn hiôk dêh kơ bu, mă năm hăm anăn Kră Yang. Đơ̆ng hnam Kră Yang. Nhôn bơnê ư-ang kơ Ih.

Horiso 122:6

Krao khan bĕ kơ Jêrusalem đei rơnŭk rơnua. Wă kơ bơngai bu 'mêm kơ ih gô đei tơdrong hiôk jơnap.

Horiso 134:3

Apinh Kră Yang, Tơ'ngla pơjing plĕnh teh Đơ̆ng Siôn gô ăn tơdrong pŭn hiôk kơ iĕm.

Horiso 135:21

Kơkuh bơnê bĕ kơ Kră Yang đơ̆ng pơlei Siôn. Kră Yang mă oei tơ Jêrusalem! Halêluya.

Horiso 20:2

Apinh đơ̆ng anih rơgoh, gơih ăn tơdrong tơgŭm ih Păng đơ̆ng Siôn tơgŭm dŏng ih,

Horiso 20:3

Apinh Kră Yang 'blŏk kơ dôm tơmam ih soi. Păng iŏk dôm tơmam soi pơyơ̆r. Sêla

Êsai 2:3

Đei lơ khŭl bơngai gô truh tơ noh na khan: “Năm, bĕ lu bơ̆n tŏk tơ kông Kră Yang, tơ hnam Kră Yang 'Bok Kei-Dei Jakôp. Sư gô bơtho bơ̆n trong Sư wă kơ lu bơ̆n yak kiơ̆ trong sư.” Khôi juăt gô đei đơ̆ng pơlei Siôn, nơ̆r Kră Yang gô đei đơ̆ng pơlei Jêrusalem.

Êsai 33:20

Lăng bĕ tơ Siôn jơ̆ pơlei tih lu bơ̆n pơm giĕng tih. Măt ih gô 'bôh pơlei Jêrusalem, jơ̆ anih hiôk hơđơ̆ng, jơ̆ anih oei ưh kơ đei layơ pôk tơplih tơ nai dơ̆ng, lu 'long pơ̆ng, ưh kơ đei layơ toh lê̆ ôh, kư̆m ưh kơ đei tơlei minh dăng ayơ kơtĕch mơ̆n!

Êphêsô 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, yua kơ Sư ăn kơ bơ̆n tôm tơdrong hiôk 'lơ̆ng tơ plĕnh ti. Bơ̆n đei tôm tơdrong noh yua kơ bơ̆n lui kơ Yêsu Krist.