Horiso 126:2 - Sơ̆p Hlabơar Nơ̆r 'Bok Kei-Dei

² 'Bơ̆r lu nhôn 'bĕnh kơ nơ̆r hiĕk chơt. Hơpiĕt lu nhôn hơri 'nă hal. Lu đe teh đak khan: “Kră Yang đei tơgŭm lu sư tih tơpă.”

Horiso 126:2 ပူးပေါင်းရင်းမြစ်များ

Esơra 3:11

Lu sư hơri bơyong dih băl na bơnê ư-ang kơ Kră Yang khan: Trŏ kơ bơnê ư-ang kơ Kră Yang, yua kơ Sư 'lơ̆ng rŏ, sư 'mêm kơ bơngai Isơrael ling-lang khŏm khŏm! Đĭ-đăng kon pơlei ôr jreo re, bơnê ư-ang kơ Kră Yang, yua kơ đe man hơnă hnam akŭm Kră Yang boih.

Ne 6:16

Tơdah lu bơngai ayăt kơ lu nhôn băt dôm tơdrong noh, na lu kon pơlei oei tăp dăr kơ lu nhôn kư̆m hli tơrơ păng jơhngơ̆m ưh kơ hiôk; yua kơ lu sư băt tơdrong jang âu gơh keh jing đơ̆ng Kră Yang 'Bok Kei-Dei lu nhôn.

Jop 8:21

Sư gô ăn kơ 'bơ̆r ih hiĕk chơt păng hơkŭng ih gô jreo chơt hiôk 'nă hal.

Horiso 14:7

Ơ rŏ kơ đơ̆ng pơlei Siôn tơdrong pơklaih lu bơngai Isơrael jah truh! Kơplah Kră Yang chông ba lu bơnă pơlei pơla Sư brŏk, Kơplah noh Jakôp gô chhôk hơnôk păng lu bơngai Isơrael gô 'nă hal.

Horiso 51:14

Ơ Kră Yang 'Bok Kei-Dei, jơ̆ Kră Yang 'Bok Kei-Dei dŏng pơklaih inh, Apinh ih pơklaih inh đơ̆ng tơdrong tơlĕch pham, Noh na hơpiĕt inh gô hơri bơnê kơ Kră Yang 'lơ̆ng tơpăt.

Horiso 53:6

Ơ! Kuă kơ kiơ đơ̆ng Siôn tơdrong dŏng pơklaih Isơrael jah truh! Kơplah Kră Yang 'Bok Kei-Dei ba tơbrŏk lu kon pơlei sư đêl pơm bơnă. Kơplah noh Jakôp gô chơt hiôk păng Isơrael gô 'nă hal.

Horiso 71:19

Ơ Kră Yang 'Bok Kei-Dei, tơdrong tơpăt Ih kơjung tĭk tơ plĕnh. Ih đei pơm boih tơdrong jang tih. Ơ Kră Yang 'Bok Kei-Dei, bu đei thoi Ih?

Êsai 35:10

Lu bơngai mă Kră Yang huai iŏk bơih gô brŏk. Năm mơ̆t tơ pơlei Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, na tơdrong ơh sơ'ngon chhŭr nuih gô hiong đĭ.

Êsai 51:11

Kon pơlei mă Kră Yang huai iŏk bơih gô brŏk, Năm mơ̆t tơ Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, tơdrong ơh sơ'ngon chhŭr nuih gô hiong đĭ.

Je 31:7

Kră Yang khan: “Bĕ bơ̆n hơri chơt hiôk kơ Jakôp; tơkĕch tơjroh bĕ kơ lu adrĕch adrung gĭt kăl, pôk bơnê pơyom bĕ na khan: ‘Kră Yang dŏng pơklaih boih kon pơlei pơla Sư, lu kon pơlei Isơrael mă oei arih.’

Je 33:11

Mă-lei đe gô kơtơ̆ng dơ̆ng nơ̆r hiĕk chhôk 'nă hal tơ noh, nơ̆r bre ŏng mai hle, nơ̆r đe hơri rah chĕp tơmam pơyơ̆r bơnê mơ̆t lăm hnam Kră Yang: ‘Hơri bơnê bĕ kơ Kră Yang Tih Hloh, yua kơ tơdrong 'mêm Sư oei oei ling-lang! Yua kơ tơdrong 'lơ̆ng Sư.’ ” Kră Yang khan: “Yua kơ Inh gô ăn kơ dêh char âu hiôk jơnap, kư̆m thoi adrol sơ̆,”

Êsêkiên 36:36

Dang ei lu adrĕch adrung kon pơlei oei jum dăr kơ lu iĕm gô băt Inh boih Kră Yang, Inh gô hơmet ming anih mă hlôi pơrăm, choh pơtăm dơ̆ng mă anih hlôi lê̆ bri. Inh boih Kră Yang Inh khan boih Inh gô pơm.”

Jo 23:23

Ưh kơ đei bơngai pơjâu lăm Jakôp. Lăm Isơrael kư̆m ưh kơ đei bơngai tơwir hơlĕnh yua kơ dang ei trŏ boih đe gô pơma khan gah Jakôp păng Isơrael thoi âu: Lăng đei tơdrong Kră Yang pơm hlĭch tơpă! Pă băt dang yơ.

Rom 11:15

'Bok Kei-Dei ưh kơ iŏk lu bơngai Isơrael dang ei yua kơ lu sư ưh kơ lui kơ Yêsu; noh na Sư ăn kơ iĕm lui hơdrol kơ lu sư, na dang ei iĕm hiôk hăm 'Bok Kei-Dei boih. Ning-mônh lu bơngai Isơrael kư̆m lui kơ Yêsu, 'Bok Kei-Dei kư̆m iŏk lu sư mơ̆n, lu sư gô hiôk dang kơ bơngai iung arih đơ̆ng lôch boih.