Horiso 122:6 - Sơ̆p Hlabơar Nơ̆r 'Bok Kei-Dei

⁶ Krao khan bĕ kơ Jêrusalem đei rơnŭk rơnua. Wă kơ bơngai bu 'mêm kơ ih gô đei tơdrong hiôk jơnap.

Horiso 122:6 ပူးပေါင်းရင်းမြစ်များ

Bl 12:3

Inh gô ăn pŭn hiôk kơ bu mă sơkat kơ ih pŭn hiôk. Inh gô hiap pơtê̆ bơngai bu mă hiap pơtê̆ ih; păng đĭ-đăng adrĕch adrung kon bơngai kơpal teh âu gô đei pŭn hiôk đơ̆ng ih.”

Ne 11:1

Lu kră pơgơ̆r kon pơlei tă kơ oei lăm pơlei Jêrusalem: Gah lu kon pơlei nai đe hlang rơih iŏk minh lăm mơjĭt đơ̆ng lu bơngai noh, năm oei tơ pơlei Jêrusalem, pơlei 'lơ̆ng rơgoh păng lu tơsĭn 'nu noh oei tơ pơlei nai;

Ne 11:2

Kon pơlei sơkat ăn pŭn hiôk kơ bơngai drŏ-nglo ayơ mă pơyơ̆r akâu sư oei tơ pơlei Jêrusalem.

Esther 4:8

Morđêkai kư̆m ăn minh hlak hla bơar chih rok nơ̆r tơtă roi tơlĕch boih tơ lăm pơlei tih Susa tơdrong wă pơlôch adrĕch Juđa, wă kơ sư roi tơbăt ăn kơ Esther dôm nơ̆r đơ̆ng Morđêkai tơlang ăn kơ Esther păng roi ăn wă ăn Esther athei năm apinh pơtao mơnat pơklaih adrĕch Juđa sư kơdih.

Horiso 51:18

Pơm 'lơ̆ngb bĕ kơ Siôn kiơ̆ thoi tơdrong Ih tơchĕng 'lơ̆ng. Man pơdơ̆ngc bĕ dur Anăp.

Êsai 62:7

Kŭm 'nĕ ăn kơ Kră Yang pơdơh dĭng truh tơ Sư pơjing tơiung dơ̆ng pơlei Jêrusalem, păng pơm kơ sư đei đe ư-ang jơ̆p kơ teh đak.

Êsai 66:10

“Hiôk chơt bĕ hơdai hăm pơlei Jêrusalem ơ lu bơngai mă 'mêm kơ pơlei Jêrusalem. Hiôk chơt bĕ yua kơ sư, ơ lu bơngai mă nhơ̆m hmoi kơ Jêrusalem, athei đĭ jơhngơ̆m chơt hiôk 'nă hal hơdai hăm sư.

Je 29:7

Chă bĕ tơdrong hiôk-hian jơnap kơ pơlei tih mă Inh đei ăn kơ lu iĕm oei tơ noh pơm bơnă; krao apinh Kră Yang bĕ; yua kơ lu iĕm đei hiôk jơnap noh đơ̆ng pơlei noh hiôk jơnap.”

Je 51:50

Lu iĕm klaih boih đơ̆ng đao gưm, kơdâu bĕ, 'nĕ pă dơ̆ng! 'Blŏk bĕ kơ Kră Yang đơ̆ng dêh char ataih, tơchĕng 'blŏk bĕ kơ pơlei Jêrusalem lăm kơ̆l 'ngok.

Jo 24:9

lu sư drap, drum thoi dăm-brang tơno, kư̆m thoi dăm-brang akăn: Bu pơ̆n râu tơiung lu sư? Pŭn hiôk dêh kơ bơngai bu hơpơi ăn pŭn hiôk kơ ih, Hiap bĕ lu bơngai bu hiap ih.

Yo 17:21

Inh wă kơ Ih ăn kơ lu sư pơgơ̆p băl minh jơhngơ̆m minh đon. Ơ 'Bă, ba minh jơhngơ̆m minh đon, na Inh wă kơ Ih ăn kơ lu sư oei pôm đon păng ba, wă kơ lu bơngai ala teh âu 'bôh thoi noh na lui kơ Ih wơh Inh.

Êphêsô 4:3

Iĕm athei adrin oei hiôk hơdai hăm bôl buăl, yua kơ Yang Bơhngol 'Lơ̆ng ăn kơ bơ̆n jing minh jơhngơ̆m minh đon rim 'nu kơ bơ̆n lei-lăi ngăl.

II Tes 3:16

Kră Yang Yêsu Krist boih ăn kơ bơ̆n hiôk-hian. Nhôn krao khan apinh Sư ăn kơ iĕm hiôk-hian ling-lang lăm tôm tơdrong păng nhôn apinh Sư oei hơdai rim 'nu kơ lu iĕm.

I Yo 3:14

Bơ̆n băt bơ̆n jăk đơ̆ng tơdrong lôch boih wă arih ling-lang kơlih kơ bơ̆n 'mêm mơnat kơ 'nhŏng oh bơ̆n. Bơngai bu ưh kơ 'mêm mơnat kơ 'nhŏng oh sư, bơngai 'noh oei kiơ̆ gah tơdrong lôch.

I Sam 12:23

Gah inh, inh ưh kơ pơdơh kơ krao khan kơ iĕm. Wă kơ inh huay kơ pơm yoch hăm Kră Yang. Inh gô bơtho tơ'bôh lu iĕm băt kơ trong 'lơ̆ng păng tơpăt.