Horiso 121:3 - Sơ̆p Hlabơar Nơ̆r 'Bok Kei-Dei

³ Sư ưh kơ đei lê̆ jơ̆ng ih tơpling. Sư Tơ'ngla wei-lăng ih ưh kơ layơ tep.

Horiso 121:3 ပူးပေါင်းရင်းမြစ်များ

Horiso 127:1

Tơdah Kră Yang ưh kơ đei pơm hnam, Lei lu thơ̆ jang man hnam ưh kơ đei kơ yua. Tơdah Kră Yang ưh kơ wei pơlei. Lu bơngai gak kral kơmăng kư̆m tơdrong kơ đei.

Horiso 41:2

Kră Yang gô wei-lăng păng wei wêr tơdrong arih sư. Sư gô đei pŭn hiôk kơpal teh păng Kră Yang ưh kơ đei lê̆ bơngai noh kiơ̆ thoi lu ayăt kơ sư wă,

Horiso 55:23

Ơ Kră Yang 'Bok Kei-Dei ih boih gô. Klơ̆m lu bơngai pơm kơnê̆ chă pơhlŭ đe. Lu sư ưh pă đei arih truh minh puăt chăl đêl pơkă. Gah inh gô lui gơnang kơ Ih.

Horiso 66:9

Sư boih bơwei tơdrong arih lu bơ̆n. Ưh kơ ăn jơ̆ng lu bơ̆n tơpling.

Horiso 91:12

Linh jang gô pôk ih lăm ti lu sư. Hli kơ jơ̆ng ih kơtơih 'bơm tơmo

Tơdrông Pơđơk 2:8

Sư wei-lăng trong lu bơngai tơpăt, Sư bơwei trong lu bơngai hli yom kơ Sư.

Tơdrông Pơđơk 3:23

Ih gô yak hơđơ̆ng kơjăp lăm trong ih, Păng jơ̆ng ih huay kơ tơpling.

Tơdrông Pơđơk 3:26

Yua kơ Kră Yang boih anih ih gơnang, Sư gô wei-lăng jơ̆ng ih huay kơ puh 'năk.

Êsai 27:3

Inh bơih Kră Yang Tơ'ngla wei-lăng sư, gô ruh đak kơ sư ling-lang, păng inh wei-lăng sư măng năr kơnh hli kơ đe pơrăm sư.

I Pet 1:5

Yua kơ bơ̆n lui păng gơnang kơ Sư tơpă, na 'Bok Kei-Dei tơ'ngla mă mơsêh mơyang, Sư wei-lăng lu bơ̆n ling-lang truh tơ năr Sư wă ăn kơ bơ̆n tôm tơdrong mă Sư đei hơmet lê̆ boih tơ năr tôch noh kơnh.

I Sam 2:9

Sư wei-lăng jơ̆ng lu bơngai kiơ̆ Sư tơpăt; Mă-lei lu bơngai kơnê̆ sư gô tơlơ̆ lê̆ lăm măng mu. Kon bơngai ưh kơ kĕ ôh yua tơdrong pran kơdih.