Horiso 119:99 - Sơ̆p Hlabơar Nơ̆r 'Bok Kei-Dei

⁹⁹ Inh đei đon hơgei hloh kơ lu bơngai bơtho inh. Yua kơ inh tơchĕng lu tơdrong đêl Ih bơtho khan.

Horiso 119:99 ပူးပေါင်းရင်းမြစ်များ

II Ho 30:22

Hesekia pơma pơhiôk jơhngơ̆m lu bơngai Lêwi đei đon hlôh wao bơ̆jang kơ Kră Yang. Lu sư sŏng sa lăm tơpơh năr păng pơyơ̆r tơmam soi 'blŏk bơnê kơ Kră Yang 'Bok Kei-Dei lu 'bok lu sư.

Horiso 119:15

Inh oei tơchĕng ling-lang kơ tơdrong juăt ih. Lăng kơchăm lăng tơ trong Ih.

Horiso 119:24

Dôm nơ̆r Ih tơpăt, jơ̆ nơ̆r mă inh lăp đon, Lu nơ̆r noh boih tơ'bôh tơbăt ăn kơ inh.

Je 2:8

Lu 'bok soi ưh pă jet: ‘Tơ yơ Kră Yang?’ Lu 'bok bơtho khôi juăt ưh pă băt kơ Inh dơ̆ng. Lu bơngai pơgơ̆r blah Inh. Lu 'bok khan lê̆ adrol yua anăn yang Baal na khan lê̆ adrol, kiơ̆ lu yang nai ưh kơ đei yua kiơ.

Mathiơ 11:25

Kơplah noh Yêsu krao khan kơ 'Bă Sư khan: “Ơ 'Bă, Ih boih Kră Yang plĕnh teh. Inh bơnê kơ Ih, yua kơ dôm tơdrong Inh bơtho, Ih tơbăt kơ lu bơngai mă băt gơnang kơ Ih thoi lu hơ'lơ̆p băt gơnang kơ mĕ 'bă; păng Ih ưh kơ wă tơhlôh kơ lu bơngai mă gơnang kơ akâu sư kơdih hŏk hơgei.

Mathiơ 13:11

Yêsu khan: “'Bok Kei-Dei ăn kơ iĕm băt gah tơdrong Sư wă pơgơ̆r kon bơngai thoi yơ, mă-lei Sư ưh kơ ăn kơ lu bơngai tơpôl noh băt ôh.

Mathiơ 15:14

Na iĕm 'nĕ mah hiơ̆k tơdrong sư ơh noh, yua kơ lu sư bơngai bơtho đe ră mă-lei dang bơngai măt tol. Dah bơngai măt tol chông ba bôl sư măt tol bre sư nơnăm gô huŏng tơ sơlŭng đĕch ưh kơ yua kiơ kơ bre sư ôh.”

Hêbrơ 5:12

Iĕm lui đunh boih, trŏ kơ iĕm pơm 'bok bơtho, bơtho lu bơngai nai dơ̆ng, mă iĕm âu oei kăl kơ đe bơtho iĕm, dang đe bơtho tơdrong 'Bok Kei-Dei kơ lu bơngai 'nao lui. 'Noh inh băt kơ iĕm oei gĭt kơ đak toh đĕch, ưh tam gơh ăn kơ iĕm sa tơmam arăng ôh.