Horiso 119:9 - Sơ̆p Hlabơar Nơ̆r 'Bok Kei-Dei

⁹ Bơngai oei hơmuh hơmŏng pơm liơ wă kơ trong sư 'lơ̆ng rơgoh? Athei arih pơm kiơ̆ nơ̆r Kră Yang.

Horiso 119:9 ပူးပေါင်းရင်းမြစ်များ

II Ho 6:16

Dang ei, ơ Kră Yang 'Bok Kei-Dei Isơrael răk bĕ nơ̆r Ih đei pơkă boih hăm 'bă inh, Đawit đĭch đam Ih, thoi âu: “'Bơ̆t anăp Inh ưh kơ đei khăi ôh kơ bơngai pơtrơp pơm pơtao pơgơ̆r lu bơngai Isơrael tơdah kon sâu ih mă pơ'lơ̆ng trong lu sư yak, wei răk khôi juăt Inh, thoi ih đei pơm boih 'bơ̆t anăp Inh.”

Jop 1:5

Đơ̆ng rŏng kơ dôm năr et sa đang bơih, Jop wơh krao lu kon sư brŏk wă pơm giĕng ôp 'nhao rơgoh. Sư iung đơ̆ng hrôih, wă pơyơ̆r tơmam soi 'buh tôm kơ lu kon sư; sư tơchĕng khan: “Băt lu kon inh pơm yoch păng băt lăm jơhngơ̆m lu sư blei hiap Kră Yang 'Bok Kei-Dei.” Jop juăt kơ pơm thoi noh.

Jop 13:26

Yua kơ Ih phak bơih inh pŭ pơmat, păng ăn kơ inh pŭ dôm tơdrong yoch mă inh pơm kơplah oei tơdăm sơ̆.

Horiso 119:11

Inh răk boih nơ̆r Ih lăm jơhngơ̆m inh Wă kơ inh huay kơ pơm yoch hăm Ih

Horiso 17:4

Gah tơdrong jang kon bơngai pơm, đơ̆ng nơ̆r 'bơ̆r Ih khan, na inh gơh klaih huay kơ kiơ̆ lu trong bơngai kơnê̆.

Horiso 25:7

Apinh Ih lê̆ pă 'blŏk kơ tơdrong yoch, Inh pơm oei hơmuh hơmŏng, dah tơdrong kơnê̆ mă inh pơm boih; 'Blŏk kơ inh kiơ̆ thoi Ih mơnat, yua kơ tơdrong 'lơ̆ng Ih. Ơ Kră Yang.

Horiso 34:11

Ơ lu kon năm mơ̆ng Inh bĕ, Inh gô bơtho kơ lu iĕm băt hli yom kơ Kră Yang.

Tơdrông Pơđơk 1:10

Ơ dăm, tơdah lu bơngai yoch wă pơhlŭ ih, ih 'nĕ kơ chu hŏ.

Tơdrông Pơđơk 1:4

Wă ăn kơ lu bơngai kơtul kơwao gơh kơchăng, bơngai hơmuh hơmŏng băt hlôh păng băt tơchĕng.

Tơdrông Pơđơk 2:11

Tơdrong băt hlôh gô wei-lăng ih, Tơdrong hlôh wao gô bơwei ih.

Tơdrông Pơđơk 4:1

Ơ lu đe kon inh, mơ̆ng bĕ nơ̆r bơtho khan đơ̆ng 'bă, Pơgling bĕ đon, wă kơ lu iĕm băt kơ tơdrong hlôh băt.

Tơdrông Pơđơk 7:7

Đei bơngai kơhlôh kơwao lăm lu bơngai 'nao iung tơdăm, Lăm lu tơdăm mơlôh đei minh 'nu ưh kơ hlôh băt.

Bôk Bơthô 11:9

Ơ lu bơngai hơmuh hơmŏng iĕm hiôk chơt bĕ kơplah oei hơdruh tơdăm, 'nă hal bĕ kơplah oei 'lơ̆p, yak kiơ̆ bĕ thoi jơhngơ̆m ih dui ba, kiơ̆ kơ măt ih lăng, mă-lei iĕm athei băt dôm tơdrong iĕm pơm noh, Kră Yang 'Bok Kei-Dei gô wă sek tơlang kiơ̆ tơdrong noh.

Luka 15:13

Đơ̆ng rŏng kơ năr noh kon hơdruch sư iŏk dôm mŭk tơmam mă đêl 'bă sư ăn kơ sư, na jăk tơ dêh nai. Tơ ei sư pơm kư̆ kă, sư pơhuach đĭ mŭk tơmam sư.

Yo 15:3

Na dang ei iĕm thoi lĕ dơng 'long mă chăt 'lơ̆ng boih, kơlih kơ iĕm mơ̆ng dôm nơ̆r Inh bơtho.

Both 17:18

Kơplah mă sư pơm pơtao, pơtao athei pơm kiơ̆ khôi juăt 'nâu, mă đơ̆ng lu 'bok soi adrĕch bơngai Lêwi, chih wei minh sơ̆p răk kơdih.

II Tim 2:22

Pơtih gia bơngai tơdăm sư ling-lang nŏng tơchĕng gah tơdrong akâu sư kơdih, ưh kơ wă tơchĕng tơdrong Kră Yang. Mă ih 'nĕ kơ tơchĕng thoi bơngai 'noh hŏ. Ih athei adrin pơm tơdrong 'lơ̆ng tơpăt, lui mă kơjăp, băt 'mêm mơnat kơ đe păng oei hiôk hơiă hơdai lu bơngai mă đei đon 'lơ̆ng tơpăt, wă khan lu bơngai mă krao khan kơ 'Bok Kei-Dei kơjăp.

Jôsuê 1:7

Ih athei chơ̆n jơhngơ̆m nuih pran păng pơm kiơ̆ kơ khôi juăt Môis đĭch đam Inh, mă tơbăt kơ ih, 'nĕ kơ weh gah 'ma gah 'ngiĕo, lei na mă năm tơ yơ gô đei tơdrong kĕ jei ih.