86 Dôm nơ̆r Ih tơtă trŏ sĭt tơpă apinh Ih tơgŭm inh. Bơngai lăm teh đak yua tơdrong hơlĕnh wă pơrăm inh,
Ơ Kră Yang 'Bok Kei-Dei inh! Apinh Ih tơgŭm inh bĕ. Pơklaih inh kiơ̆ kơ tơdrong 'mêm Ih.
Yua kơ thoi noh, inh lăng đĭ-đăng nơ̆r Ih bơtho tơtă trŏ ngăl. Inh areh kơ trong tơdrong hơlĕnh.
Ih tơtă boih tơdrong ih bơtho 'lơ̆ng tơpăt, Trŏ kơ lui gơnang tơpă.
Tơdrong tơpăt Ih jơ̆ tơdrong tơpăt ling-lang hlŏng hloi. Khôi juăt Ih sĭt tơpă.
Ơ Kră Yang Ih oei jê̆; păng dôm lu nơ̆r Ih tơtă sĭt tơpă.
Thŭ lu pơang mơlâu, Yua kơ lu sư yua tơdrong hơlĕnh pơdăr wă pơrăm inh; Mă-lei inh gô tơchĕng lu nơ̆r Ih bơtho khan.
Ơ Kră Yang, apinh Ih dŏng pơklaih inh đơ̆ng lu ayăt; Inh tơkan kơ'nơp tơ Ih.
Hli yom kơ Kră Yang jơ̆ 'lơ̆ng rơgoh, oei oei truh tơ ning-mônh, Dôm tơdrong Kră Yang pơkă jơ̆ sĭt tơpă, đĭ-đăng trŏ ngăl.
'Nĕ ăn kơ lu bơngai pơm kơnê̆ kơ inh tơdrong kơ đei chơt hiôk. Kŭm 'nĕ kơ lê̆ lu areh kơ inh, kơ'mreh măt tơdrong kơ đei yua kơ Ih.
Yua kơ lu sư dăng hơnhuăl kơ inh tơdrong kơ đei. Păng lu sư sir sơlŭng jrŭ wă kơ inhb puh tơdrong kơ đei.
Mă-lei lu ayăt kơ inh oei arih păng pran. Lu bơngai areh kơ inh tơdrong kơ đei lơ tơpă.
Gah inh tơnat pat, Kră Yang 'Bok Kei-Dei! Mă kuăng bĕ năm tơ inh. Ih boih Tơ'ngla dŏng tơgŭm inh păng pơklaih inh; Ơ Kră Yang 'nĕ kơ pơhiơ̆.
Đe pơm 'lơ̆ng hăm trŏ apah tơdrong kơnê̆? Lei liơ lu sư sir boih sơlŭng wă tơhuŏng inh. Apinh Ih 'blŏk kơ inh ngăl dơ̆ng 'bơ̆t anăp Ih apinh Ih ăn kơ lu sư tơdrong 'lơ̆ng, apinh Ih 'nĕ pă hil kơ lu sư.
Dôm tơdrong mă 'Bok Kei-Dei pơkă, tơdrong 'lơ̆ng, tơdrong trŏ tơpă.