Horiso 119:53 - Sơ̆p Hlabơar Nơ̆r 'Bok Kei-Dei

⁵³ Inh blĕk tơtŏ 'bĕnh kơ jơhngơ̆m inh. 'Bôh lu bơngai pơm kơnê̆ achăng lê̆ khôi juăt Ih,

Horiso 119:53 ပူးပေါင်းရင်းမြစ်များ

Esơra 10:6

Đơ̆ng noh Esơra iung weh đơ̆ng anih 'bơ̆t anăp lăm hnam Kră Yang 'Bok Kei-Dei, na mơ̆t lăm anih Jêhôhanan, kon drŏ-nglo Êliasip; sư mơ̆t 'bĭch kơmăng tơ noh ưh kơ đei sŏng sa păng nhă đak ôh, yua kơ sư ơh sơ'ngon, yua kơ tơdrong yoch đe kon pơlei mă đe đei rôp pơm bơnă mă đei wih brŏk.

Esơra 9:14

Thoi noh na liơ nhôn wă pơm yoch kơ khôi juăt Ih dơ̆ng lĕ, oei iŏk klo kăn hăm lu adrĕch adrung mă oei kơkuh tơdrong kơnê̆ dah kiơ? Hăm trŏ ih gô hil mĭl, Ih gô pơrăm lu nhôn, truh tơ mah pă đei bu oei arih, ưh kơ đei bu gơh klaih dah kiơ?

Esơra 9:3

Kơtơ̆ng lu nơ̆r noh, na inh hek ao lăm păng ao 'nguaih inh, buch sŏk kơ̆l păng sŏk kang, na hơ-oei ơh sơ'ngon.

Ne 13:25

Inh chrih khă, hiap pơtê̆ lu sư păng teh minh 'bar 'nu lăm lu sư, hrŭi sŏk lu sư, inh athei lu sư pơkă pơkăm hăm Kră Yang 'Bok Kei-Dei thoi âu: 'Nĕ ăn kon drŏ-kăn iĕm oei kơ kon drŏ-nglo lu sư, dah 'nĕ kơ rôp ăn kon drŏ-kăn lu sư kơ kon drŏ-nglo lu iĕm, dah wă iŏk oei kơ iĕm kơdih.

Ne 5:6

Kơplah inh kơtơ̆ng dôm lu nơ̆r âu păng nơ̆r krao ôr lu sư, na inh blĕk dêh.

Horiso 119:136

Đak măt inh lĕch ro nhen thoi đak glung. Yua kơ đe kuă kơ wei răk khôi juăt Ih.

Horiso 119:158

Inh 'bôh lu bơngai hơlĕnh pơdăr, lăng krưp areh dêh kơ lu sư; Yua kơ lu sư ưh kơ wei răk nơ̆r Ih.

Horiso 89:30

Tơdah kon sâu sư achăng lê̆ tơdrong juăt Inh, ưh kơ kiơ̆ nơ̆r Inh tơtă.

Je 13:17

Mă-lei tơdah lu iĕm kuă kơ mơ̆ng, inh gô nhơ̆m lăm to, yua kơ tơdrong lu iĕm pơang. Măt inh gô nhơ̆m ơh ol dêh, đak măt inh gô lĕch ro, yua kơ triu Kră Yang đe gô rôp pơm bơnă.

Da 4:19

Dang ei, Đaniel, mă krao Beltơsatsar, jing kơmlo wă đunh păng dôm tơdrong tơchĕng pơm ăn kơ sư hơwơ̆l. Pơtao khan dơ̆ng: Ơ! Beltơsatsar 'nĕ ăn tơdrong apo âu păng tơdrong tơblang pơm kơ ih hơwơ̆l, Beltơsatsar khan thoi âu: Ơ yŏng tơ'ngla, thŭ tơdrong apo noh tuh ăn kơ lu bơngai areh kơ ih păng tơdrong tơblang tuh kơ bơngai ayăt kơ ih.

Habakuk 3:16

Inh kơtơ̆ng nơ̆r 'nâu, na akâu jăn inh tơtơ̆, Kơtơ̆ng nơ̆r Sư hơkŭng inh pơpơ̆; Kơting inh thoi bŭk răm, Tơdrong bŭk ôm mơ̆t lăm kơting inh; Păng jơhngơ̆m inh hli tơrơ tơtơ̆ tăr wăr. Yua kơ inh athei ngăn hreh gô năr pơmat truh, Noh jơ̆ năr mă lu đe năm blah teh đak lu nhôn.

II Kor 12:21

Inh hli kơ mưh inh truh tơ noh, 'Bok Kei-Dei pơm kơ inh mơlâu hmoi ơh akâu kơdih yua kơ lu iĕm mơ'nah lui đunh boih mă oei pơm yoch hơnơ̆ng ưh kơ băt tơbral kơdih dôm tơdrong kơnê̆ 'mê̆-'mach, dôm tơdrong kư̆ kă iĕm pơm.

Philip 3:18

Mă-lei iĕm kơchăng hli kơ lu bơngai khan sư lui kơjăp mă ưh kơ 'mêm kơ tơdrong Yêsu lôch tơ 'long pơglang. Đei lơ bơngai thoi noh dang ei, thoi inh roi kơ iĕm boih; mă-lei inh wă roi kơ iĕm dơ̆ng. Tơdrong lu sư pơm, inh sơ'ngon dêh, đon 'brơ̆k đak măt đơng wă hmoi hloi.