Horiso 119:4 - Sơ̆p Hlabơar Nơ̆r 'Bok Kei-Dei

⁴ Ih đei bơtho pơkă boih tơdrong juăt Ih Wă kơ lu nhôn rok kiơ̆.

Horiso 119:4 ပူးပေါင်းရင်းမြစ်များ

Esơra 7:21

Thoi noh, inh boih pơtao Artaserses đei chih roi ăn kơ lu 'bok kuan wei hnam mong tơmam gah bơmơ̆t kơ đak krong khan mă tơmam kiơ Esơra, 'bok soi bơngai bơtho hơgei kơ hla bơar, hlôh băt dôm khôi juăt Kră Yang 'Bok Kei-Dei tơ kơpal plĕnh, gô apinh đơ̆ng lu iĕm, lu iĕm athei ăn hloi.

Le 7:6

Môis păng Arôn pơm kiơ̆ lei-lăi thoi nơ̆r Kră Yang đei tơtă kơ bre sư.

Je 7:23

Mă-lei 'nâu tơdrong Inh tơtă kơ lu sư. ‘Chu bĕ kơ nơ̆r Inh, Inh gô jing Kră Yang 'Bok Kei-Dei lu iĕm, iĕm jing kon pơlei pơla Inh. Arih yak kiơ̆ bĕ lăm rim trong Inh đei tơtă, wă kơ lu iĕm đei tơdrong pŭn hiôk.’

Êsêkiên 20:19

Inh boih Kră Yang 'Bok Kei-Dei lu iĕm, chu kiơ̆ bĕ khôi juăt Inh, wei răk nơ̆r Inh tơtă păng pơm kiơ̆ bĕ.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Yo 14:15

“Dah iĕm 'mêm kơ Inh, lei iĕm chu dôm tơdrong Inh pơkă hŏ,

Yo 14:21

“Bơngai bu răk dôm tơdrong Inh pơkă, bơngai 'noh boih 'mêm kơ Inh tơpă. Bơngai bu 'mêm kơ Inh, 'Bă Inh kư̆m 'mêm kơ sư mơ̆n; păng Inh kư̆m 'mêm kơ sư na Inh tơbăt kơ sư akâu Inh.”

Both 11:13

Tơdah lu iĕm chu mơ̆ng kiơ̆ dôm nơ̆r tơtă mă inh bơtho ăn kơ lu iĕm năr 'nâu, đĭ jơhngơ̆m klơm klak 'mêm kơ Kră Yang 'Bok Kei-Dei iĕm păng bơ̆jang kơ Sư.

Both 11:22

Tơdah lu iĕm kơchăng wei răk păng pơm kiơ̆ đĭ dôm nơ̆r tơtă, mă inh bơtho boih kơ lu iĕm athei, 'mêm kơ Kră Yang 'Bok Kei-Dei lu iĕm, yak kiơ̆ trong Sư păng oei pơgơ̆p kơjăp hăm Sư.

Both 12:32

Lu iĕm athei kơchăng; pơm kiơ̆ mă trŏ thoi noh 'nĕ kơ hŭt dah pơthim kiơ.

Both 30:16

Năr 'nâu inh athei iĕm 'mêm kơ Kră Yang 'Bok Kei-Dei, yak kiơ̆ trong Sư păng wei răk dôm lu nơ̆r tơtă, khôi juăt Sư păng nơ̆r Sư athei, wă kơ iĕm arih sot hrôh ngôh, Kră Yang 'Bok Kei-Dei ăn pŭn hiôk kơ lăm dêh char mă iĕm gô mơ̆t iŏk.

Both 4:1

Ơ Isơrael! Mơ̆ng bĕ khôi juăt păng nơ̆r tơtă mă inh gô pơhrăm lu iĕm, wă kơ lu iĕm gơh đei arih păng gơh mơ̆t tơ dêh mă Kră Yang 'Bok Kei-Dei 'bok lu iĕm wă ăn kơ lu iĕm iŏk.

Both 4:9

Athei wei răk, pơ'lơ̆ng kơdih akâu iĕm, kơnh hli kơ iĕm hiơt dôm tơdrong mă măt lu iĕm 'bôh boih păng 'nĕ ăn lu tơdrong noh lĕch đơ̆ng lăm jơhngơ̆m iĕm păng athei bơtho bĕ kơ lu kon sâu se iĕm dơ̆ng.

Both 6:17

Athei kơchăng wei răk dôm lu nơ̆r Kră Yang tơtă păng nơ̆r Sư tơbăt, khôi juăt Sư mă inh đei bơtho ăn kơ iĕm.

Both 6:3

Ơ Isơrael, mơ̆ng bĕ păng pơm kiơ̆ tơdrong noh wă kơ iĕm gơh đei pŭn hiôk păng rai lơ, dêh char thoi đak toh đak sut mă Kră Yang 'Bok Kei-Dei lu 'bok iĕm đei pơkă hăm lu iĕm.

Jôsuê 1:7

Ih athei chơ̆n jơhngơ̆m nuih pran păng pơm kiơ̆ kơ khôi juăt Môis đĭch đam Inh, mă tơbăt kơ ih, 'nĕ kơ weh gah 'ma gah 'ngiĕo, lei na mă năm tơ yơ gô đei tơdrong kĕ jei ih.

I Yo 5:3

Dah bơ̆n 'mêm kơ 'Bok Kei-Dei lei bơ̆n athei răk dôm tơdrong Sư pơkă. Dôm tơdrong Sư pơkă noh ưh kơ gleh ôh.