Horiso 119:173 - Sơ̆p Hlabơar Nơ̆r 'Bok Kei-Dei

¹⁷³ Ăn kơ ti Ih dŏng tơgŭm inh hloi; Yua kơ inh rơih iŏk nơ̆r Ih bơtho tơtă.

Horiso 119:173 ပူးပေါင်းရင်းမြစ်များ

Jôsuê 24:22

Kơplah noh, Jôsuê khan hăm kon pơlei: Lu iĕm pơm kơdranh kơdih lu iĕm khan lu iĕm hlôi rơih iŏk boih Kră Yang wă chu yom kơ Sư. Kon pơlei tơl: Ơ, Lu nhôn pơm kơdranh tơdrong noh.

Luka 10:42

Đei minh tơdrong mơ̆ng nơ̆r 'Bok Kei-Dei đĕch kăl. Mari sư wă kơ mơ̆ng tơdrong 'Bok Kei-Dei na Inh ưh kơ wă achăng sư ôh.”

Both 30:19

Năr 'nâu, inh krao plĕnh păng teh pơm kơdranh ăn kơ inh, inh dan tơ'bôh 'bơ̆t anăp iĕm rơih iŏk tơdrong arih păng tơdrong lôch, tơdrong pŭn hiôk păng tơdrong hiap pơtê̆. Thoi noh, rơih bĕ tơdrong arih, wă kơ iĕm păng lu kon sâu iĕm gơh arih.

Philip 4:13

Inh kĕ iŏk dôm tơdrong 'noh yua kơ inh gơnang kơ Yêsu Krist na Sư ăn kơ inh kĕ iŏk dôm tơdrong 'noh. Tơ̆ng ưh, inh ưh kơ kĕ ôh.

II Kor 12:9

Mă-lei Sư khan: “Huay ôh, ih kư̆ kơ jang tơdrong Inh mă tơpă đĕch, tơdrong ih jang ưh kơ kĕ ưh kơ pran noh lê̆ kơ Inh tơgŭm ih, ih 'nĕ hiơ̆k kơ tơdrong ih pơmat-tat noh, thoi noh na đe băt kơ tơdrong mơsêh mơyang Inh tih tơpă, ih pơmat-tat dang noh mă oei jang khŏm khŏm.” Thoi noh na dang ei inh kuă boih pơang kơ iĕm tơdrong noh, pơang pơăi tơdrong inh kơtul tơrăn đĕch na Sư ăn kơ inh hiôk gơh jang tơdrong Sư khŏm khŏm.

Markôs 9:24

'Bă bơngai 'lơ̆p yang kơnê̆ mơ̆t ei pơma hloi 'bơ̆r re khan: “Inh lui mơ̆n mă-lei oei rơdu. Apinh Ih pơm ăn kơ inh lui mă kơjăp.”

Tơdrông Pơđơk 1:29

Yua kơ đơ̆ng lu sư areh kơ tơdrong hlôh wao, Ưh kơ wă rơih chă tơdrong hli yom kơ Kră Yang.

Horiso 119:117

Apinh Ih dŏng tơgŭm inh, na inh hơđơ̆ng. Wă kơ inh pơm kiơ̆ kơ khôi juăt Ih ling-lang.

Horiso 119:111

Nơ̆r Ih bơtho khan jing mŭk tơmam inh ling-lang. Yua kơ noh jơhngơ̆m inh chơt hiôk,

Horiso 119:94

Inh gah Ih boih, apinh Ih dŏng pơklaih inh; inh chă dôm nơ̆r Ih bơtho tơtă.

Horiso 119:40

Âu, inh hơpơi wă dôm lu nơ̆r Ih bơtho tơtă. Apinh ăn kơ inh gơh arih kiơ̆ lăm trong tơdrong tơpăt Ih.

Horiso 119:35

Apinh Ih ăn kơ inh yak kiơ̆ nơ̆r Ih tơtă; Yua kơ inh chơt hiôk lăm trong noh.

Horiso 119:30

Inh đei rơih iŏk boih trong tơ anăp; 'Măn nơ̆r Ih tơtă 'bơ̆t anăp inh.

Horiso 37:24

Mă sư kơtơih, kư̆m huay kơ pơ̆k; Yua kơ Kră Yang gô pôk tơiung sư.

Jôsuê 24:15

Tơdah lu iĕm ưh kơ wă chu yom ôh kơ Kră Yang, lei dang ei athei rơih iŏk bĕ kơdih lu iĕm wă kơkuh kơ bu, kơ lu yang mă lu 'bok yă lu iĕm kơkuh tơ gah hơlĕch kơ đak Krong Tih dah lu yang kon pơlei Amôrit lăm char lu sư; mă lu iĕm oei âu Mă-lei gah inh păng hnam inh gô chu yom păng pơm kiơ̆ kơ Kră Yang.”

I Ho 4:10

Jabes krao apinh Kră Yang 'Bok Kei-Dei Isơrael khan: “Ơ Kră Yang apinh Ih tuh ăn kơ inh pŭn hiôk pơih ăn hơdral teh đak inh mă să! Apinh ti mơsêh Ih oei hơdai inh, wei-lăng inh klaih đơ̆ng tơdrong răm pơmat-tat” Kră Yang 'Bok Kei-Dei ăn hloi thoi tơdrong sư krao apinh.