Horiso 119:168 - Sơ̆p Hlabơar Nơ̆r 'Bok Kei-Dei

¹⁶⁸ Inh wei răk nơ̆r Ih bơtho khan păng nơ̆r Ih tơtă. Yua kơ trong inh tă kơ 'bơ̆t anăp Ih ngăl.

Horiso 119:168 ပူးပေါင်းရင်းမြစ်များ

Jop 34:21

Măt Kră Yang 'Bok Kei-Dei răp lăng tơ trong kon bơngai, Sư lăng 'bôh dôm yak.

Horiso 139:3

Ih 'bôh hơđăl trong inh yak păng 'bơ̆t inh 'bĭch. Dôm trong inh Ih băt nhen.

Horiso 98:8

Đak krong wang tap ti bĕ! Kông groi kư̆m wang hơri chơt hiôk bĕ 'bơ̆t anăp Kră Yang!

Tơdrông Pơđơk 5:21

Yua kơ trong kon bơngai yak hơdah 'bơ̆t anăp Kră Yang; Sư lăng đĭ trong lu sư yak.

Je 23:24

Kră Yang khan: “Hăm đei bu gơh ôn hlơp akâu sư, mă Inh ưh kơ 'bôh? Kră Yang khan: Hăm trŏ kơ Inh oei tơ jơ̆p-jang kơpal plĕnh 'bĕnh kơ teh đak âu?

Hêbrơ 4:13

Ưh kơ đei tơdrong kiơ mă hlơp kơ 'Bok Kei-Dei tơ'ngla mă sek tơlang bơ̆n, Sư 'bôh nhên tôm tơdrong kon bơngai pơm.

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.