Horiso 119:166 - Sơ̆p Hlabơar Nơ̆r 'Bok Kei-Dei

¹⁶⁶ Ơ Kră Yang, inh chang hơmĕng kơ tơdrong dŏng pơklaih đơ̆ng Ih, Păng pơm kiơ̆ kơ nơ̆r Ih tơtă.

Horiso 119:166 ပူးပေါင်းရင်းမြစ်များ

Bl 49:18

Ơ Kră Yang! Inh chang tơdrong dŏng pơklaih đơ̆ng Ih!

Horiso 119:174

Ơ Kră Yang, inh hơpơi chang tơdrong dŏng pơklaih đơ̆ng Ih. Khôi juăt Ih mă inh hiôk tơpă.

Horiso 119:81

Bơhngol inh rơdu rơmơ̆n chang gô tơdrong dŏng pơklaih đơ̆ng Ih. Mă-lei Inh hơmĕng kơ nơ̆r Ih.

Horiso 4:5

Pơyơ̆r bĕ tơmam soi mă 'lơ̆ng tơpăt, Păng lui gơnang kơ Kră Yang 'Bok Kei-Dei.

Horiso 50:23

Bu pơyơ̆r nơ̆r bơnê tơmam soi kơkuh ư-ang kơ Inh; păng sư kiơ̆ trong Inh; Inh gô tơ'bôh tơdrong dŏng pơklaih đơ̆ng Kră Yang 'Bok Kei-Dei.”

Nhom 3:26

'Lơ̆ng dêh bơngai bu chang gô păng kĕ ĕnh gô tơdrong dŏng pơklaih đơ̆ng Kră Yang.

Yo 7:17

Bơngai bu 'maih pơm kiơ̆ thoi 'Bok Kei-Dei wă, bơngai 'noh sư gô băt tơdrong Inh bơtho âu lĕch đơ̆ng 'Bok Kei-Dei tơpă, dah lĕch đơ̆ng Inh kơdih.