Horiso 119:159 - Sơ̆p Hlabơar Nơ̆r 'Bok Kei-Dei

¹⁵⁹ Apinh Ih lăng inh 'mêm kơ nơ̆r Ih bơtho khan dang yơ! Ơ Kră Yang, apinh wei tơdrong arih inh kiơ̆ thoi tơdrong 'mêm Ih.

Horiso 119:159 ပူးပေါင်းရင်းမြစ်များ

II Pot 20:3

“Ơ Kră Yang! Apinh Ih 'blŏk kơ inh, đêl inh yak kiơ̆ Ih tơnăp tơpăt păng đĭ jơhngơ̆m pơm 'lơ̆ng 'bơ̆t anăp Ih.” Đơ̆ng noh Hesekia nhơ̆m hơdrĭ hơdrôi đĭ jơhngơ̆m.

Ne 13:22

Inh athei bơngai Lêwi hơmet kơdih mă 'lơ̆ng rơgoh păng bơwei gak lu 'măng jang, wă 'măn 'năr Sa'bat jing năr 'lơ̆ng rơgoh, ơ! Kră Yang 'Bok Kei-Dei inh, apinh Ih 'blŏk kơ inh yua kơ tơdrong noh păng apinh Ih mơnat kơ inh kiơ̆ tơdrong 'mêm tih đơ̆ng Ih.

Ne 5:19

Ơ Kră Yang 'Bok Kei-Dei inh ơi! Apinh Ih 'blŏk kơ inh dôm tơdrong 'lơ̆ng inh đei pơm boih kơ lu kon pơlei âu.

Horiso 119:153

Apinh Ih lăng bĕ tơdrong inh pŭ pơmat păng dŏng pơklaih inh; Na inh ưh kơ hiơt ôh khôi juăt ih.

Horiso 119:47

Inh chơt hiôk kơ nơ̆r Ih tơtă tơdrong mă inh 'mêm.

Horiso 119:97

Inh 'mêm kơ khôi juăt Ih dêh! Prăt năr inh tơchĕng kơ khôi juăt noh.