Horiso 119:149 - Sơ̆p Hlabơar Nơ̆r 'Bok Kei-Dei

¹⁴⁹ Ơ Kră Yang, kiơ̆ kơ tơdrong 'mêm Ih, apinh Ih mơ̆ng nơ̆r inh apinh, Apinh wei tơdrong arih inh kiơ̆ kơ tơdrong juăt Ih.

Horiso 119:149 ပူးပေါင်းရင်းမြစ်များ

Horiso 109:21

Mă-lei, Ih boih ơ Kră Yang, Tơ'ngla pơgơ̆r hăm anăn Ih, apinh Ih dŏng inh. Yua kơ tơdrong 'mêm Ih tih tơpă; Apinh Ih dŏng pơklaih inh.

Horiso 119:154

Apinh Ih dŏng inh păng huai iŏk inh, Apinh wei tơdrong arih inh kiơ̆ kơ nơ̆r Ih pơkă.

Horiso 119:156

Ơ Kră Yang, tơdrong 'mêm mơnat Ih tih tơpă. Apinh wei tơdrong arih inh kiơ̆ khôi juăt Ih.

Horiso 119:25

Bơhngol inh klep lăm 'mui teh. Tơiung pơrih inh dơ̆ng. Kiơ̆ kơ nơ̆r Ih.

Horiso 119:40

Âu, inh hơpơi wă dôm lu nơ̆r Ih bơtho tơtă. Apinh ăn kơ inh gơh arih kiơ̆ lăm trong tơdrong tơpăt Ih.

Horiso 119:88

Apinh Ih ăn kơ inh gơh arih Kiơ̆ kơ tơdrong 'mêm Ih, Na inh gô wei răk nơ̆r Ih bơtho khan.

Horiso 51:1

Ơ Kră Yang 'Bok Kei-Dei! Apinh mơnat ăn kơ inh kiơ̆ thoi tơdrong 'mêm Ih. Apinh Ih sut lê̆ dôm tơdrong inh pơm yoch, kiơ̆ kơ Ih mơnat.

Horiso 55:2

Apinh Ih mơ̆ng păng tơl tơwih kơ inh. Inh sơ'ngon, tơtăm păng rŭng răng.

Horiso 64:1

Ơ Kră Yang 'Bok Kei-Dei, apinh Ih mơ̆ng nơ̆r inh ôr krao. Wei tơdrong arih inh huay kơ hli kơ lu ayăt.

Horiso 69:16

Ơ Kră Yang! Apinh Ih tơl tơwih kơ inh, yua kơ tơdrong 'mêm 'lơ̆ng Ih; Kiơ̆ kơ tơdrong 'mêm mơnat Ih, apinh wih tơ inh.

Êsai 63:7

Inh gô roi tơ'blŏk tơdrong Kră Yang 'mêm mơnat, păng hơri bơnê ư-ang kơ Kră Yang kơ dôm lu tơdrong mă Kră Yang pơm bơih kơ lu bơ̆n păng tơdrong 'lơ̆ng tih Sư ăn kơ adrĕch Isơrael, dôm lu tơdrong mă Sư đei ăn kơ bơ̆n, kiơ̆ kơ tơdrong Sư 'mêm Kră Yang dŏng pơklaih lu sư bơih.