Horiso 119:12 - Sơ̆p Hlabơar Nơ̆r 'Bok Kei-Dei

¹² Ơ Kră Yang, inh hơri ư-ang kơ Ih; Apinh bơtho inh tơdrong juăt Ih.

Horiso 119:12 ပူးပေါင်းရင်းမြစ်များ

Horiso 119:108

Ơ Kră Yang! Apinh Ih iŏk tơdrong bơnê pơyơ̆r kơ Ih đơ̆ng 'bơ̆r inh. Păng bơtho inh tơdrong juăt Ih.

Horiso 119:124

Apinh Ih pơm hăm lu đĭch đam kiơ̆ kơ tơdrong 'mêm Ih, Păng bơtho inh lu khôi juăt Ih.

Horiso 119:135

Apinh Ih pơchrang bĕ muh măt Ih kơ lu đĭch đam Ih, Păng bơtho inh tơdrong juăt Ih.

Horiso 119:33

Ơ Kră Yang, apinh bơtho tơ'bôh kơ inh kiơ̆ trong Ih tơtă. Na inh gô wei răk dĭng truh tơ năr tôch.

Horiso 119:64

Ơ Kră Yang, teh âu 'bĕnh kơ tơdrong 'mêm Ih, Apinh Ih bơtho pơhrăm ăn kơ inh tơdrong juăt Ih.

Horiso 119:66

Apinh Ih bơtho inh hlôh wao. Wă kơ inh pơm trŏ. Yua kơ inh lui kơ nơ̆r Ih tơtă.

Horiso 119:68

Ih 'lơ̆ng juăt kơ pơm 'lơ̆ng; apinh Ih bơtho inh tơdrong juăt Ih.

Horiso 143:10

Apinh Ih bơtho inh pơm kiơ̆ Ih wă. Yua kơ Ih boih Kră Yang 'Bok Kei-Dei inh, ăn Yang Bơhngol 'Lơ̆ng Ih ba inh mơ̆t tơ teh đak dơhnă.

Horiso 86:11

Ơ Kră Yang, apinh Ih bơtho tơ'bôh kơ inh trong Ih. Na inh gô yak kiơ̆ tơdrong 'lơ̆ng tơpăt Ih; Apinh Ih ăn kơ inh đei jơhngơ̆m băt hli yom kơ Ih,

Luka 24:45

Đơ̆ng noh na Yêsu ăn kơ đon lu sư hlôh wao sơ̆p hla bơar 'Bok Kei-Dei.

Yo 14:26

'Bok Dŏng iĕm ei, anăn Sư Yang Bơhngol 'Lơ̆ng, Sư 'noh 'Bă Inh wă wơh Sư jur oei păng iĕm jang tang Inh. Sư gô bơtho iĕm tôm tơdrong păng Sư gô tơ'blŏk ăn kơ iĕm tôm tơdrong mă Inh bơtho iĕm boih.

I Tim 1:11

Tơdrong 'lơ̆ng tơpăt noh tơdrong 'nao 'lơ̆ng 'Bok Kei-Dei. 'Bok Kei-Dei ăn kơ inh bơtho tơdrong 'nao 'lơ̆ng Sư. Sư boih mă hiôk-hian ling-lang. Sư Kră Yang tih hloh.

I Tim 6:15

Trŏ năr 'Bok Kei-Dei ăn Kon Sư Yêsu Krist jur tơ ala teh âu ning-mônh. 'Bok Kei-Dei boih hiôk-hian tơpă, pôm Sư boih pơgơ̆r tôm tơdrong. Sư pơm 'Bok Pơtao Sư tih hloh kơ đĭ-đăng lu pơtao nai, Sư pơm Yŏng Sư tih hloh kơ đĭ-đăng lu yŏng nai.

I Yo 2:27

Gah iĕm Yêsu Krist ăn kơ iĕm Yang Bơhngol 'Lơ̆ng boih. Na lăp Yang Bơhngol 'Lơ̆ng oei lơ̆m jơhngơ̆m iĕm, iĕm ưh pă wă kơ lu đe noh bơtho iĕm dơ̆ng ôh, kơlih kơ Yang Bơhngol 'Lơ̆ng bơtho iĕm tôm tơdrong. Dôm tơdrong Sư bơtho tơpăt ngăl, ưh kơ sĭ Sư bơtho tơdrong hơlĕnh ôh. Thoi noh na iĕm athei răk dôm tơdrong Sư pơkă hŏ wă kơ iĕm lui kơjăp kơ Yêsu Krist.