Horiso 119:116 - Sơ̆p Hlabơar Nơ̆r 'Bok Kei-Dei

¹¹⁶ Apinh Ih tơgŭm tơiung inh kiơ̆ thoi Ih pơkă wă kơ inh gơh arih; 'Nĕ ăn kơ inh mơlâu kơ tơdrong inh chang hơmĕng,

Horiso 119:116 ပူးပေါင်းရင်းမြစ်များ

Horiso 119:17

Pơm 'Lơ̆ng kơ inh đĭch đam Ih, wă kơ inh gơh arih; Inh gô wei răk nơ̆r Ih.

Horiso 119:6

Inh ưh kơ đei mơlâu ôh. Kơplah inh lăng tơ lu nơ̆r Ih tơtă,

Horiso 25:2

Ơ Kră Yang 'Bok Kei-Dei inh! Jơhngơ̆m inh lui gơnang kơ Ih; 'nĕ ăn kơ inh mơlâu, 'Nĕ ăn jei lu ayăt kơ inh.

Horiso 37:17

Yua kơ kơkŏng ti lu bơngai kơnê̆ gô tơgơ̆, Mă-lei Kră Yang gô tưk pơkơ̆ng ti lu bơngai tơpăt.

Horiso 37:24

Mă sư kơtơih, kư̆m huay kơ pơ̆k; Yua kơ Kră Yang gô pôk tơiung sư.

Horiso 41:12

Na, đơ̆ng tơdrong tơpăt inh, Ih tơiung inh, Ăn inh kơjăp 'bơ̆t anăp Ih ling-lang.

Horiso 54:4

'Nâu, Kră Yang 'Bok Kei-Dei boih tơgŭm dŏng inh; Kră Yang boih Tơ'ngla wei bơhngol inh.

Horiso 63:8

Bơhngol inh oei kơjăp lăm Ih, ti 'ma Ih tơgŭm tơiung inh.

Horiso 94:18

Ơ Kră Yang, mưh inh khan: “Jơ̆ng inh tơsĕr.” Na tơdrong 'mêm Ih dui tơiung inh hloi.

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Êsai 42:1

'Nâu bơih đam Inh bơngai mă Inh dŏng tơgŭm, bơngai mă Inh rơih iŏk, bơngai mă Inh lăp đon. Inh gô dan yang Bơhngol Inh lăm sư, sư gô ba ăn tơdrong tơpăt hơnơ̆ng kơ lu teh đak.

Êsai 45:17

Mă-lei bơngai Isơrael, Kră Yang gô dŏng pơklaih. Hăm tơdrong dŏng pơklaih ling-lang ưh kơ đei layơ tôch. Lu iĕm huay pă mơlâu dah rŭng răng dơ̆ng bơih truh tơ đĭ chăl khŏm khŏm.

Rom 10:11

Hla bơar 'Bok Kei-Dei roi gah tơdrong 'Bok Krist thoi âu: “Bu lui kơ Sư, bơngai noh huay kơ hli minh tơdrong kiơ ôh.”

Rom 5:5

Bơ̆n băt kơ tơdrong bơ̆n chang gô noh ưh kơ jor ôh, yua kơ 'Bok Kei-Dei ăn kơ bơ̆n Yang Bơhngol 'Lơ̆ng Sư, na Yang Bơhngol 'Lơ̆ng Sư ăn kơ bơ̆n băt 'Bok Kei-Dei 'mêm kơ bơ̆n tơpă.

I Pet 2:6

Tơdrong noh thoi đe chih nơ̆r 'Bok Kei-Dei tơ lăm sơ̆p hla bơar Sư thoi âu: “Iĕm lăng Inh đei man minh pôm tơmo gĭt tơ Pơlei Siôn wă pơm hnam, tơmo noh gĭt tơpă na Inh iŏk Sư. Bu lui kơ tơmo noh huay kơ hli minh tơdrong kiơ ôh.”