Horiso 119:115 - Sơ̆p Hlabơar Nơ̆r 'Bok Kei-Dei

¹¹⁵ Ơ lu bơngai pơm kơnê̆, weh bĕ đơ̆ng inh. Wă kơ inh wei răk nơ̆r Kră Yang 'Bok Kei-Dei inh tơtă.

Horiso 119:115 ပူးပေါင်းရင်းမြစ်များ

Horiso 119:106

Inh đei pơkăm păng wei răk nơ̆r pơkăm. Inh gô kiơ̆ nơ̆r Ih tơtă tơpăt,

Horiso 119:2

Pŭn dêh kơ bu wei răk dôm nơ̆r Sư tơtă. Păng đĭ jơhngơ̆m krao chă Sư.

Horiso 139:19

Ơ Kră Yang 'Bok Kei-Dei, trŏ kơ Ih pơlôch lu bơngai pơm kơnê̆! Lu bơngai 'maih pơlôch đe weh bĕ đơ̆ng inh.

Horiso 26:5

Inh areh kơ lu bơngai pơm kơnê̆. Kŭm ưh kơ wă ngôi hăm lu bơngai kư̆ kă.

Horiso 26:9

Apinh Ih 'nĕ tah bơhngol inh hơdai hăm lu bơngai yoch, Kŭm 'nĕ kơ 'bŭ tơdrong arih inh hơdai hăm lu bơngai pơlôch đe.

Horiso 6:8

Ơ lu pơm kơnê̆ noh, weh bĕ đĭ-đăng ataih đơ̆ng inh, Yua kơ Kră Yang kơtơ̆ng boih nơ̆r inh nhơ̆m ôr.

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Mathiơ 7:23

Mă-lei năr 'noh kơnh Inh gô khan kơ lu sư thoi âu: ‘Inh ưh kơ băt kơ lu iĕm âu ôh. Weh tơ nai năm, iĕm bơngai kơnê̆ ngăl.’

I Kor 15:33

Iĕm 'nĕ kơ lui kơ lu bơngai wă pơlung iĕm, khan 'Bok Kei-Dei ưh kơ wă tơiung arih bơngai lôch, kơnh đơ̆ng bơngai 'lơ̆ng oei hơdai bơngai kơnê̆ sư jing kơnê̆ lei-lăi.

Jôsuê 24:15

Tơdah lu iĕm ưh kơ wă chu yom ôh kơ Kră Yang, lei dang ei athei rơih iŏk bĕ kơdih lu iĕm wă kơkuh kơ bu, kơ lu yang mă lu 'bok yă lu iĕm kơkuh tơ gah hơlĕch kơ đak Krong Tih dah lu yang kon pơlei Amôrit lăm char lu sư; mă lu iĕm oei âu Mă-lei gah inh păng hnam inh gô chu yom păng pơm kiơ̆ kơ Kră Yang.”