Horiso 119:105 - Sơ̆p Hlabơar Nơ̆r 'Bok Kei-Dei

¹⁰⁵ Nơ̆r Ih jing ŭnh kơđeng kơ jơ̆ng inh. Nhơk pơchrang ăn kơ trong inh.

Horiso 119:105 ပူးပေါင်းရင်းမြစ်များ

Jop 29:3

Lăm kơplah ŭnh kơđeng Kră Yang oei pơchrang hơdah kơpal kơ̆l inh. Đơ̆ng tơdrong hơdah Kră Yang na inh năm hlôi kơ măng mu.

Horiso 18:28

Kră Yang tơ̆k ŭnh kơđeng inh khơ̆ng: Kră Yang 'Bok Kei-Dei inh, Pơchrang ăn lăm anih măng mu inh.

Horiso 19:8

Tơdrong Kră Yang athei jơ̆ tơpăt, Pơm ăn kơ jơhngơ̆m chơt hiôk. Nơ̆r tơtă Kră Yang jơ̆ rơgoh, pơm ăn kơ măt đe hơdah hơdong.

Horiso 43:3

Apinh Ih pơchrang tơdrong hơdah păng tơdrong tơpăt Ih. Chông ba inh, truh tơ kông 'lơ̆ng rơgoh păng anih Ih oei.

Tơdrông Pơđơk 6:23

Yua kơ nơ̆r tơtă thoi ŭnh kơđeng; Tơdrong bơtho tơ'bôh thoi hơdah, Păng tơdrong chrih wă bơtho pơhrăm noh trong tơdrong arih.

Êphêsô 5:13

Mă-lei bơ̆n athei tơbăt ăn tơdrong yoch lu sư pơm noh, wă kơ lu sư mơn kơdih, thoi bơ̆n tơ̆k ŭnh tơ'bôh kơ lu sư tơdrong yoch noh. Na lu sư gô lê̆ dôm tơdrong yoch noh, na oei kiơ̆ hloi lăm hơdah ŭnh noh.

II Pet 1:19

Mă ưh kơ sĭ kơtơ̆ng kơdrô̆ tơdrong 'noh đĕch ôh, bơ̆n kư̆m kơtơ̆ng dôm tơdrong lu bơngai pơtruh nơ̆r 'Bok Kei-Dei khan lê̆ hơdrol sơ̆ mơ̆n. Sư kư̆m roi gah tơdrong 'Bok Krist mơsêh mơyang wă pơgơ̆r ning-mônh, na dang ei bơ̆n băt nhên tơpă boih. Iĕm athei 'blŏk hơdơ̆r kơ tơdrong lu sư khan lê̆ hơdrol noh ling-lang, yua kơ tơdrong noh thoi lĕ kơ ŭnh pơchrang hơdah prăt măng truh tơ pơgê, na sơnglŏng wŏng-tar tơ pơgê gô pơchrang lăm jơhngơ̆m đon iĕm.