Horiso 116:6 - Sơ̆p Hlabơar Nơ̆r 'Bok Kei-Dei

⁶ Kră Yang wei-lăng lu bơngai tơpăt; Tơdah inh pơmat-tat Sư pơklaih inh hloi,

Horiso 116:6 ပူးပေါင်းရင်းမြစ်များ

Horiso 106:43

Đei lơ wơ̆t Kră Yang dŏng pơklaih lu sư. Mă-lei lu sư pơrơ̆ng pơm plơ̆. Păng lu sư jing răm lăm tơdrong yoch kơdih.

Horiso 142:6

Apinh Ih mơ̆ng nơ̆r inh krao khan. Yua kơ inh pơmat-tat dêh; Apinh Ih dŏng pơklaih inh đơ̆ng lu bơngai pơmat inh. Yua kơ lu sư pran hloh kơ inh.

Horiso 19:7

Khôi juăt đơ̆ng Kră Yang jơ̆ 'lơ̆ng tơpăt, pơrih ăn bơhngol inh, c Kră Yang khan sĭt tơpă, pơm ăn kơ bơngai kơtul jing hơgei.

Horiso 25:21

Ăn tơdrong 'lơ̆ng rơgoh păng tơdrong tơpăt wei-lăng inh, Yua kơ inh chang gô Ih.

Horiso 79:8

Apinh Ih 'nĕ pă 'blŏk, 'nĕ pă jô̆ dôm tơdrong yoch kơnê̆ lu yă 'bok nhôn sơ̆; Apinh tơdrong 'mêm mơnat Ih tĕnh tĕnh tơgŭm lu nhôn, yua kơ lu nhôn pơmat dêh boih.

Êsai 35:8

Tơ noh gô đei minh pôm trong glung tih. Minh pôm trong đe krao trong 'Lơ̆ng Rơgoh. Bơngai 'mê̆-'mach ưh kơ gơh năm trong noh. Mă-lei 'măn lu bơngai kiơ̆ Kră Yang năm trong noh. Mă khan đơ̆ng kơ hlôh kơwao kư̆m huay kơ jrok.

Mathiơ 11:25

Kơplah noh Yêsu krao khan kơ 'Bă Sư khan: “Ơ 'Bă, Ih boih Kră Yang plĕnh teh. Inh bơnê kơ Ih, yua kơ dôm tơdrong Inh bơtho, Ih tơbăt kơ lu bơngai mă băt gơnang kơ Ih thoi lu hơ'lơ̆p băt gơnang kơ mĕ 'bă; păng Ih ưh kơ wă tơhlôh kơ lu bơngai mă gơnang kơ akâu sư kơdih hŏk hơgei.

Rom 16:19

Mă-lei gah iĕm, đĭ-đăng kơ đe băt kơ iĕm lui kơjăp tơpă, thoi noh na jơhngơ̆m inh hiôk dêh. Păng inh wă kơ iĕm hơgei, gơh tơchĕng tơdrong trŏ sư thoi yơ, tơdrong glăi sư thoi yơ. Inh ưh kơ wă kơ iĕm hơgei gah tơdrong kơnê̆ ôh.

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.

II Kor 11:3

Inh hli kơ lu bơngai mă pơjăm inh pơhlŭ iĕm jing jrok trong ưh pă 'mêm kơ Yêsu Krist, thoi yă bơ̆n Ewơ lui kơ 'bih hơlĕnh pơdăr kơ sư sơ̆.

Kôlôsê 3:22

Ơ lu bơngai đĭch đe, iĕm athei chu yom kơ lu yŏng tơ'ngla iĕm lăm tôm tơdrong. Iĕm athei jang mă tơpă, ngê̆ kiơ kơ yŏng iĕm gŏk gô na jang, iĕm kư̆ kơ jang đĕch, yua kơ iĕm lui boih kơ Yŏng bơ̆n Yêsu Krist.