Horiso 113:4 - Sơ̆p Hlabơar Nơ̆r 'Bok Kei-Dei

⁴ Kră Yang tih hloh kơ đĭ-đăng teh đak. Tơdrong ư-ang Sư kơjung hloh kơ plĕnh.

Horiso 113:4 ပူးပေါင်းရင်းမြစ်များ

I Pot 8:27

Mă-lei Kră Yang, tơpă Ih wă oei tơ lăm teh âu? Mă đĭ-đăng lu plĕnh jơ̆p-jang kơpal plĕnh kư̆m tam mă mah kơ oei, pơma kơ kiơ Hnam akŭm âu đơ̆ng inh pơjing ăn kơ Ih.

Horiso 148:13

Ăn kơ lu sư hơri ư-ang kơ anăn Kră Yang. Yua kơ lăp minh anăn Sư đĕch mă trŏ kơ pơyom. Tơdrong ư-ang Sư kơjung hloh kơ đĭ-đăng teh đak păng plĕnh.

Horiso 8:1

Ơ Kră Yang, Ih boih Kră Yang lu nhôn, Anăn Ih 'lơ̆ng rŏ jơ̆p kơ lăm teh đak; Tơdrong ư-ang rang mơnhal Ih jơ̆p tơ kơpal plĕnh!

Horiso 97:9

Ơ Kră Yang, Ih boih jơ̆ Kră Yang Tih Hloh, kơpal hloh kơ đĭ-đăng lăm teh. Ih đei tơdrong pơyom hloh loi kơ đĭ-đăng lu yang.

Horiso 99:2

Lăm Siôn Kră Yang tih hloh, Sư đe pơyom hloh kơ đĭ-đăng kon pơlei.

Êsai 40:15

Tơpă đĭ-đăng kon bơngai nhen thoi minh tơdjoh đak lăm kơthao păng lăng nhen thoi 'bruih iĕ huŏng kơpal 'long kŏng, Sư gô chĕp đĭ bŏl lăm đak dơsĭ nhen thoi minh găr 'bruih iĕ.

Êsai 40:17

Đĭ-đăng dêh char 'bơ̆t anăp Kră Yang dang lĕ hoh-hoy, Sư lăng lu noh dang lĕ tam mă đei, păng ưh kơ đei kiơ.

Êsai 40:22

Sư bơih oei kơpal gơwang teh đak âu; lu kon bơngai oei kơpal teh âu nhen thoi lep đĕch. Sư bơlang plĕnh nhen bơlang che; Sư dăng che noh thoi đe wă pơm bơsŭn oei.

Êsai 66:1

Kră Yang khan thoi âu: “Plĕnh noh Tang-dŏ pơtao Inh, teh noh hơnă jơ̆ng Inh juă. Lu iĕm gô man ăn kơ Inh hnam tơ yơ? Anih ayơ pơm anih Inh pơdơh?