Horiso 113:2 - Sơ̆p Hlabơar Nơ̆r 'Bok Kei-Dei

² Trŏ hơri bơnê kơ anăn Kră Yang. Đơ̆ng dang ei truh tơ ning-mônh hlŏng hloi.

Horiso 113:2 ပူးပေါင်းရင်းမြစ်များ

I Ho 16:36

Bơnê kơ Kră Yang, 'Bok Kei-Dei Isơrael. Trŏ hơri ư-ang ling-lang. Đĭ-đăng lu kon pơlei pơla khan bĕ: “A-men! Bơnê kơkuh kơ Kră Yang.”

Horiso 106:48

Kơkuh bơnê kơ Kră Yang 'Bok Kei-Dei Isơrael. Đơ̆ng blŭng-a adrol kơ đĭ-đăng dĭng truh tơ ning-mônh ling-lang! Đĭ kon pơlei pơla gô khan “A-men”! Halêluya!

Horiso 115:18

Mă-lei lu nhôn gô hơri bơnê kơ Kră Yang. Đơ̆ng dang ei dĭng truh tơ ning-mônh ling-lang hloi, Halêluya!

Horiso 41:13

Trŏ kơkuh bơnê kơ Kră Yang Kră Yang 'Bok Kei-Dei Isơrael Đơ̆ng âu truh tơ ning-mônh ling-lang A-men, A-men!

Da 2:20

Đơ̆ng noh, Đaniel pơih 'bơ̆r pơma khan: Kơkuh bơnê kơ Kră Yang 'Bok Kei-Dei ling-lang hlong hloi! Yua kơ tơdrong hơgei păng mơsêh lăm Sư.

Êphêsô 3:21

Na bĕ đĭ-đăng kơ lu bơ̆n kon Sư ư-ang anăn Sư, kư̆m thoi Yêsu Krist ư-ang anăn Sư, ling-lang khŏm khŏm ưh kơ layơ tôch. A-men.

Tơdrông Tơ'bôh 5:13

Na inh kơtơ̆ng dơ̆ng pă minh khŭl tôm kơ đĭ-đăng anăn đơ̆ng 'Bok Kei-Dei pơjing plĕnh hăm teh sơ̆, tôm kơ anăn lu bơngai lôch, tôm kơ anăn kon sem lăm đak dơsĭ, đĭ lu sư hơri minh nơ̆r hơdai thoi âu: “Bơnê kơ 'Bok Pơtao mă oei tơ tang-dŏ, hăm bơnê kơ Kon Triu, mơsêh mơyang 'lơ̆ng rŏ trŏ kơ nhôn lui yom păng ư-ang ling-lang ưh kơ layơ tôch.”