Horiso 111:1 - Sơ̆p Hlabơar Nơ̆r 'Bok Kei-Dei

¹ Halêluya! Inh hơri bơnê kơ Kră Yang hăm đĭ jơhngơ̆m. Lăm năr lu bơngai 'lơ̆ng tơpăt akŭm tih.

Horiso 111:1 ပူးပေါင်းရင်းမြစ်များ

Horiso 103:1

Ơ bơhngol inh, hơri bơnê bĕ kơ Kră Yang! Đĭ jơhngơ̆m hơri bơnê bĕ kơ anăn 'lơ̆ng rơgoh Sư!

Horiso 106:1

Halêluya! Kơkuh bơnê bĕ kơ Kră Yang, yua kơ Sư 'lơ̆ng. Tơdrong 'mêm Sư oei oei ling-lang,

Horiso 106:48

Kơkuh bơnê kơ Kră Yang 'Bok Kei-Dei Isơrael. Đơ̆ng blŭng-a adrol kơ đĭ-đăng dĭng truh tơ ning-mônh ling-lang! Đĭ kon pơlei pơla gô khan “A-men”! Halêluya!

Horiso 107:32

Ăn kơ lu sư pơư pơang kơ Kră Yang lăm năr kon pơlei akŭm. Păng bơnê kơ Sư tơ lăm lu Kră akŭm pơđâu.

Horiso 108:3

Ơ Kră Yang, inh gô bơnê kơ Ih, lăm lu kon pơlei pơla. Inh gô hơri ư-ang kơ Ih lăm lu dêh char.

Horiso 109:30

'Bơ̆r inh gô bơnê kơ Kră Yang hăm đĭ jơhngơ̆m, Hơri ư-ang kơ Sư lăm tŏk-bŏk bơngai lơ;

Horiso 138:1

Inh hơri bơnê kơ Ih hăm đĭ jơhngơ̆m. Hơri bơnê kơ Ih 'bơ̆t anăp lu yang.

Horiso 149:1

Halêluya! Hơri bĕ kơ Kră Yang minh 'bai hơri 'nao! Hơri bĕ kơ Sư lăm khŭl bơngai 'lơ̆ng rơgoh Sư akŭm.

Horiso 22:23

Ơ lu bơngai băt hli yom kơ Kră Yang, bơnê bĕ kơ Sư, Ơ đĭ-đăng adrĕch Jakôp, kơkuh ư-ang bĕ kơ Sư, Ơ đĭ-đăng adrĕch adrung Isơrael hli yom bĕ kơ sư.

Horiso 22:25

Tơdrong inh hơri bơnê tơ anih akŭm tih lĕch đơ̆ng Ih, Inh gô pơm keh dôm nơ̆r đêl inh pơkă 'bơ̆t anăp lu bơngai hli yom kơ Kră Yang.

Horiso 35:18

Inh gô bơnê ư-ang kơ Ih lăm năr akŭm tih, Ư-ang kơ Ih 'bơ̆t tŏk-bŏk kon pơlei pơla lơ.

Horiso 89:5

Ơ Kră Yang, jơ̆p kơ plĕnh, gô kơkuh bơnê kơ tơdrong hlĭch chrơp Ih. Tơdrong tơpăt Ih đe kư̆m gô kơkuh bơnê. Tơ lăm khŭl 'lơ̆ng rơgoh.

Horiso 89:7

Kră Yang 'Bok Kei-Dei trŏ kơ hli yom tơpă lăm khŭl Yang 'lơ̆ng rơgoh. Sư Kră Yang Tih Hloh. Trŏ kơ hli krưp hloh kơ lu Yang tăp dăr kơ Sư.

Horiso 9:1

Inh gô bơnê kơ Ih. Ơ Kră Yang, hăm đĭ jơhngơ̆m, Inh gô ră roi dôm tơdrong jang hlĭch chrơp Ih,