Horiso 109:28 - Sơ̆p Hlabơar Nơ̆r 'Bok Kei-Dei

²⁸ Lê̆ lu sư blei hiap, mă-lei Ih ăn pŭn hiôk. Layơ lu sư iung blah lu sư gô mơlâu, Mă-lei gah lu đĭch đam Ih gô chơt hiôk.

Horiso 109:28 ပူးပေါင်းရင်းမြစ်များ

Horiso 109:17

Sư 'maih blei hiap, Thŭ blei hiap plơ̆ tơ lu sư; kư̆m ưh kơ 'maih wă sơkat đei pŭn hiôk; Thŭ tơdrong pŭn hiôk ataih đơ̆ng lu sư.

Tơdrông Pơđơk 26:2

Thoi sem rĕch păr tơ âu tơ to, Thoi sem pleng păr juang suang plơ̆ plĕch. Nơ̆r đe hiap tơdrong kơ đei huay kơ truh ôh.

Jo 22:12

Kră Yang 'Bok Kei-Dei khan kơ Balaam thoi âu: “Ih 'nĕ kơ năm hơdai lu sư, 'nĕ kơ hiap khŭl kon pơlei 'nâu yua kơ adrĕch kon pơlei 'nâu lu sư đei tơdrong pŭn hiôk.”

Jo 23:20

Na 'nâu, inh đei iŏk boih nơ̆r tơtă hơpơi ăn pŭn hiôk Kră Yang ăn boih pŭn hiôk, Inh ưh kơ pơjah ôh.

Jo 23:23

Ưh kơ đei bơngai pơjâu lăm Jakôp. Lăm Isơrael kư̆m ưh kơ đei bơngai tơwir hơlĕnh yua kơ dang ei trŏ boih đe gô pơma khan gah Jakôp păng Isơrael thoi âu: Lăng đei tơdrong Kră Yang pơm hlĭch tơpă! Pă băt dang yơ.

Yo 16:22

Iĕm kư̆m thoi noh mơ̆n. Dang ei iĕm sơ'ngon. Mă-lei Inh gô tơ'bơ̆p iĕm dơ̆ng na jơhngơ̆m iĕm chhơp hiôk chơt tơpă, ưh kơ đei bu gơh pơm kơ iĕm sơ'ngon dơ̆ng.

Hêbrơ 12:2

Bơ̆n athei lăng Yêsu ling-lang, yua kơ Sư pơih trong kơ bơ̆n lui kơ 'Bok Kei-Dei kơjăp truh tôch. Sơ̆ Sư băt tôm tơdrong 'Bok Kei-Dei wă ăn kơ Sư gô hiôk, na Sư chu iŏk đe pơ̆ng pơlôch Sư tơ 'long pơglang. Sư ưh kơ tơchĕng kơ đe pơm kơnê̆ pơ'brơh kơ Sư ôh. Na dang ei Sư oei gah 'ma kơ 'Bok Kei-Dei.