Horiso 109:22 - Sơ̆p Hlabơar Nơ̆r 'Bok Kei-Dei

²² Yua kơ inh pơmat-tat păng dơnuh hin, Na jơhngơ̆m inh jing jĭ jăn

Horiso 109:22 ပူးပေါင်းရင်းမြစ်များ

II Pot 4:27

Duch ei tŏk tơ kơpal kông tơkan năm jê̆ na kuăr jơ̆ng Êlisê bơngai mă Kră Yang 'Bok Kei-Dei yua. Gêhasi năm jê̆ wă dui lê̆ duch ei, mă-lei Êlisê bơngai mă Kră Yang 'Bok Kei-Dei yua, khan kơ Gêhasi: “Lê̆ sư thoi noh bơih, yua kơ jơhngơ̆m sư sơ'ngon tơdrong kiơ kiơ, Kră Yang 'Bok Kei-Dei ôn tơdrong noh, ưh kơ ăn inh băt.”

Jop 6:4

Yua kơ 'brơ̆m Tơ'ngla Kră Yang Hloh prah 'bơm inh, Jơhngơ̆m inh huch đak hơkăm, Inh hli tơrơ tơdrong Kră Yang 'Bok Kei-Dei blah inh.

Horiso 102:4

Jơhngơ̆m inh đe pơjuă, jô kro thoi 'nhĕt. Dĭng inh mah hiơt kơ sŏng sa.

Horiso 109:16

Yua kơ lu sư pă đei 'blŏk mơnat kơ đe. Na rôp pơmat lu bơngai dơnuh răm. Lu bơngai pơmat-tat đei jơhngơ̆m ơh kư̆m wă pơlôch mơ̆n.

Horiso 22:6

Mă-lei inh nhen thoi hơdrông ưh kơ trŏ kon bơngai. Inh jing tơmam pơm kơ kon bơngai pơjăm, Păng tơmam pơm ăn kơ kon pơlei hiĕk ăr.

Horiso 25:16

Apinh Kră Yang lăng inh păng mơnat kơ inh, Yua kơ inh hơdrô̆ păng pơmat-tat dêh

Horiso 40:17

Gah inh jing dơnuh păng pơmat-tat. Apinh, Kră Yang 'blŏk kơ inh. Ih jơ̆ Kră Yang tơgŭm dŏng inh, Păng Kră Yang pơklaih inh. Ơ Kră Yang 'Bok Kei-Dei apinh Ih 'nĕ pă hiơ̆.

Horiso 86:1

Ơ Kră Yang, apinh Ih pơgling đon mơ̆ng păng tơl tơwih kơ inh, Yua kơ inh pơmat-tat păng dơnuh hin.

Êsai 53:3

Sư bơngai đe areh păng đe kuă kơ sư. Sư ling-lang pŭ iŏk tơdrong ơh sơ'ngon pơmat-tat jĭ jơhngơ̆m. Thoi bơngai mă đe ôn muh măt ưh kơ sư. Đe areh kơ sư; lu bơ̆n lăng sư kư̆m ưh kơ đei rơ-a kiơ.

Mathiơ 8:20

Yêsu khan kơ sư: “Mơja đei anih tep, sem păr kư̆m đei tơpu. Inh Kon Bơngai ră mă-lei ưh kơ đei anih tep ôh.”

Luka 22:44

Yêsu hli sơ'ngon tơpă, na Sư rai adrin krao khan kơ 'Bok Kei-Dei rai dêh mah tuh bơuh bơang thoi lĕ kơ pham lĕch đơ̆ng akâu Sư.

Yo 12:27

“Dang ei jơhngơ̆m Inh sơ'ngon 'biơ̆, na Inh wă pơma lơliơ? Dah Inh khan: ‘Ơ 'Bă, apinh Ih 'nĕ ăn tơdrong anat anot âu truh tơ Inh,’ lei ưh kơ trŏ ôh, kơlih kơ 'Bă Inh 'Bok Kei-Dei wơh Inh jur tơ teh âu wă kơ Inh pŭ tơdrong anat anot âu boih.

II Kor 8:9

Yua kơ iĕm băt boih Kră Yang Yêsu Krist 'mêm mơnat kơ bơ̆n dang yơ; Sư mơdrŏng tih tơpă, mă-lei Sư jing dơnuh yua kơ tơgŭm bơ̆n, wă kơ bơ̆n jing mơdrŏng.