Horiso 109:20 - Sơ̆p Hlabơar Nơ̆r 'Bok Kei-Dei

²⁰ Rŏ kơ Kră Yang pơm 'mong thoi noh kơ lu bơngai mă pơm kơnê̆ kơ inh. Păng lu bơngai mă pơma kơnê̆ kơ bơhngol inh.

Horiso 109:20 ပူးပေါင်းရင်းမြစ်များ

II Sam 17:23

Ahithôphel 'bôh đe ưh kơ wă kiơ̆ tơdrong sư pơđâu, na hao hloi aseh iĕ sư brŏk tơ hnam pơlei sư kơdih tơ Gilô. Đang kơ sư hơmet dôm tơdrong jang lăm hnam dơnŏ sư keh boih, sư hrek hơlŏng kơdih lôch. Đe 'bŭ sư hơdai tơ lăm bơsat 'bă sư.

II Sam 18:32

Pơtao jet bơngai Kus: “Apsalôm kon tơdăm inh, hăm oei 'lơ̆ng akâu ưh?” Bơngai Kus tơl: “Rŏ kơ lu bơngai ayăt pơtao yŏng tơ'ngla inh, păng đĭ-đăng lu bơngai ayơ ayăt wă pơrăm pơtao; rŏ kơ kư̆m thoi tơdăm noh!”

I Pot 2:44

Pơtao Sôlômôn khan dơ̆ng kơ Simei: “Ih băt bơih păng oei 'blŏk mơ̆n lăm jơhngơ̆m dôm tơdrong ih pơm kơnê̆ kơ Đawit, 'bă inh. Dang ei Kră Yang gô tơwih plơ̆ dôm tơdrong kơnê̆ ih pơm noh tơ kơpal kơ̆l ih.

Horiso 110:1

Kră Yang khan kơ yŏng inh thoi âu: “Oei gah 'ma kơ Inh bĕ! Dĭng truh tơ Inh dan lu ayăt kơ ih tơ ala kơnơl jơ̆ng ih.”

Horiso 2:12

Chŭm Sư bĕ, hli kơ Sư hil, păng hli kơ iĕm lôch hiong lăm trong tôch; Yua kơ tơdrong sư hil rai tŏk. Pŭn hiôk dêh kơ bu mă kơ'nơp lăm Sư!

Horiso 71:10

Yua kơ lu bơngai ayăt pơma ayăt kơ inh, Lu sư pơđâu băl wă pơlôch inh.

Horiso 94:23

Kră Yang gô pơm tơwih yua kơ tơdrong yoch lu sư. Kră Yang gô pơlôch lu sư yua kơ tơdrong lu sư pơm kơnê̆; Kră Yang 'Bok Kei-Dei gô pơlôch pơrăm lu sư.

Mathiơ 11:19

Na gah Inh Kon Bơngai jur tơ teh âu, sŏng sa mơh 'nhot hơdai kon bơngai, na đe jô̆ kơ Inh khan bơngai sa bơlŭk, et dư, tơbôl hăm bơngai iŏk jên thuê̆, lu bơngai yoch mơ̆n. Mă-lei dah bơ̆n 'bôh đe jang 'lơ̆ng, bơ̆n băt kơ đe jang trŏ jang hơgei.”

Mathiơ 12:24

Lu bơngai Pharisi kơtơ̆ng thoi noh, lu sư khan: “'Noh đơ̆ng yang Belsêbul yŏng yang kơnê̆ tơgŭm Sư na Sư gơh pơpuh lu yang kơnê̆ noh.”

Markôs 9:39

Mă-lei Yêsu khan: “'Nĕ pă khă sư, yua kơ bơngai mă gơnang kơ Inh tơgŭm sư pơm tơdrong mơsêh mơyang, kơplah noh sư ưh kơ bâu roi Inh ôh.

Luka 19:27

Gah lu bơngai mă ayăt kơ inh, ưh kơ wă kơ inh pơm pơtao pơgơ̆r lu sư, iĕm dui anhăk lu sư tơ âu, pơlôch lu sư 'bơ̆t anăp inh.’ ”

I Kor 12:3

Na inh wă roi ăn kơ iĕm dang ei thoi âu: Bơngai bu gơnang kơ Yang Bơhngol 'Lơ̆ng tơgŭm ăn kơ Sư pơma, bơngai 'noh sư ưh kơ đei layơ wă pơjăm pơjuă Yêsu ôh. Păng dôm lu bơngai mă krao Yêsu Kră Yang sư, sư pơma thoi noh yua kơ Yang Bơhngol 'Lơ̆ng bơtho sư pơma thoi noh. Bơngai bu ưh kơ đei Yang Bơhngol 'Lơ̆ng, bơngai 'noh sư ưh kơ đei layơ pơma thoi noh ôh.

II Tim 4:14

'Bok Aleksandrê sư bơngai thơ̆ hơjơ̆m, sư pơm kơnê̆ tơpă kơ inh, mă-lei inh huay kơ ơh ôh. Sư pơm kơnê̆ kơ inh dang yơ 'Bok Kei-Dei phak sư dang noh mơ̆n.