Horiso 108:6 - Sơ̆p Hlabơar Nơ̆r 'Bok Kei-Dei

⁶ Yua bĕ ti 'ma Ih dŏng pơklaih păng tơl tơwih nơ̆r lu nhôn. Wă kơ lu bơngai mă Ih 'mêm gơh klaih hlôi.

Horiso 108:6 ပူးပေါင်းရင်းမြစ်များ

II Sam 12:25

Yua kơ Kră Yang 'mêm kơ nge noh dêh, na Sư wơh Nathan bơngai pơtruh nơ̆r sư krao anăn nge noh Jêđiđia.

I Pot 18:24

Iĕm athei krao apinh anăn yang iĕm, gah inh krao apinh Anăn Kră Yang. Yang ayơ mă tơl tơwih ăn ŭnh soh 'long ŭnh, 'noh bơih Kră Yang 'Bok Kei-Dei. Na đĭ-đăng kon pơlei pơla tơl khan: Nơ̆r ih pơma 'noh trŏ bơih.

I Pot 18:26

Thoi noh lu sư iŏk rơmo dui ba tơ noh, kăt hlơ-hlah pơm hơmet, Đơ̆ng noh lu sư krao apinh hăm anăn yang Baal: Ơ Baal! Apinh tơl tơwih nơ̆r nhôn. Mă-lei ưh kơ đei nơ̆r tơl tơwih; lu sư suang pơplŏng tăp dăr kơ chơnang soi lu sư pơm 'noh, đơ̆ng pơgê hrôih truh tơ 'năr dơ̆ng.

I Pot 18:29

Lăp 'năr kơsơ̆ glơh bơih lu sư krao ôr 'bơ̆r re păng truh jơ pơyơ̆r tơmam soi phe 'ba ăn kơ yang Baal 'bơ̆t jơ kơsơ̆ ei bơih, mă-lei ưh kơ kơtơ̆ng nơ̆r kiơ, kư̆m ưh kơ đei bu tơl păng ưh kơ đei bu mă hiơ̆k ăn.

Horiso 54:1

Ơ Kră Yang 'Bok Kei-Dei! Hăm anăn Ih pơklaih inh. Yua tơdrong mơsêh Ih sek dŏng inh tơpăt.

Horiso 57:6

Lu sư dăng hơnhuăl kơ jơ̆ng inh. Bơhngol inh rơdu rơmơ̆n. Lu sư sir sơlŭng 'bơ̆t anăp inh. Mă-lei lu sư huŏng kơdih tơ lăm noh. Sêla

Le 15:6

Ơ Kră Yang! Ti gah 'ma Ih pran kơtang mơsêh mơyang. Ơ Kră Yang! Ti gah 'ma Ih pơrăm boih lu linh ayăt.

Êsai 65:24

Adrol kơ lu sư krao apinh; Inh gô tơl tơwih nơ̆r lu sư To lu sư oei pơma, Inh kơtơ̆ng bơih.

Je 33:3

Krao apinh Inh bĕ, Inh gô tơl tơwih; Inh gô tơ'bôh ăn kơ ih tơdrong tih jrŭ păng tơnat kơ hlôh, dôm tơdrong mă ih ưh tam mă băt.”

Mathiơ 17:5

Kơplah Pêtrôs oei pơma thoi noh 'bôh glĭp kơ hơmơ̆l kok rang hơdah jur gom lu sư. Păng đei nơ̆r 'Bok Kei-Dei pơma đơ̆ng lăm hơmơ̆l noh khan: “Sư âu Kon Inh mă 'mêm kơeng tơpă, Inh lăp đon kơ Sư dêh. Na iĕm ling-lang athei chu yom kơ Sư.”

Mathiơ 3:17

Păng kư̆m đei nơ̆r pơma đơ̆ng plĕnh khan: “Âu boih Kon Inh mă 'mêm kơeng tơpă, Inh lăp đon kơ Sư tôm tơdrong.”

Rom 1:7

Na dang ei inh chih kơthơ ăn kơ iĕm bơngai Rôm mă 'Bok Kei-Dei 'mêm kơeng. Iĕm boih 'Bok Kei-Dei krao wă kơ iĕm jing kon Sư. Inh krao khan apinh Sư 'Bă tơm bơ̆n hăm Kră Yang bơ̆n Yêsu Krist wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

Êphêsô 1:6

Sư wă kơ bơ̆n bơnê kơ Sư 'mêm kơ bơ̆n tơpă, Kon pôm kơdih mă ăn lôch thoi noh.

Both 33:12

Môis sơkat kơ Bênjamin; ăn kơ bơngai mă Kră Yang 'mêm kơeng gơh oei hiôk-hian lăm Sư. Prăt năr đei Kră Yang wei-lăng sư, tơpă bơngai mă Kră Yang 'mêm oei tŏk-bŏk 'bar pah hơngiĕng Sư.

Kôlôsê 3:12

Lu bơ̆n âu boih 'Bok Kei-Dei 'mêm mơnat, na rơih iŏk bơ̆n, wă kơ bơ̆n jing kon Sư; na bơ̆n athei băt 'mêm mơnat kơ đe lei-lăi, pơm 'lơ̆ng kơ đe thoi lu bơngai gơh găt.