Horiso 107:41 - Sơ̆p Hlabơar Nơ̆r 'Bok Kei-Dei

⁴¹ Mă-lei Sư hơtŏk lu bơngai dơnuh hin klaih đơ̆ng tơdrong pơmat-tat. Ăn kơ hnam dơnŏ hrôh ngôh rai lơ thoi khŭl triu.

Horiso 107:41 ပူးပေါင်းရင်းမြစ်များ

Bl 48:11

Isơrael khan kơ Jôsep thoi âu: Adrol kơ inh tơchĕng pă 'bôh muh măt e boih, mă-lei dang ei Kră Yang 'Bok Kei-Dei pơm ăn kơ inh gơh 'bôh lu adrĕch ioi e dơ̆ng.

Jop 21:11

Lu sư ăn kơ lu hơ'lơ̆p sư năm lĕch bru bra thoi khŭl triu, kon hơiĕ lu sư pơplŏng suang.

Jop 36:15

Mă-lei Kră Yang 'Bok Kei-Dei yua tơdrong pơmat-tat na dŏng pơklaih bơngai đei pơmat-tat. Pơih đon lu sư lăm tơdrong gleh truh.

Jop 42:16

Đơ̆ng rŏng kơ 'noh, Jop oei arih minh-hrĕng puăn-jĭt sơnăm dơ̆ng; sư 'bôh lu kon sâu i sâu ach, truh tơ puăn jơhnơr.

Jop 5:11

Sư tơiung lu bơngai răm-'băm. Ăn kơ lu bơngai nhơ̆m hmoi oei tơ anih hơđơ̆ng.

Jop 8:7

Dang ei ih oei iĕ, dôm tơmam ih đei sơ̆ oei tŏ sĕt, mă-lei ning-mônh ih gô mơdrŏng tih tơpă.

Horiso 128:6

Hơpơi kơ ih gơh 'bôh kon sâu ih. Hơpơi kơ Isơrael đei hiôk-hian.

Horiso 78:52

Mă-lei sư chông ba kon pơlei Sư lĕch thoi triu, Chông ba lu sư thoi khŭl triu rok char glă.

Tơdrông Pơđơk 17:6

Sâu se jing môk ư-ang pơtao kơ lu kră, Mĕ 'bă jing tơdrong ư-ang kơ lu kon hơ'lơ̆p.

Je 31:27

Kră Yang khan: “Lăm năr tơ anăp âu kơnh Inh gô rei adrĕch kon bơngai hăm adrĕch sem dơrong lăm char Isơrael păng char Juđa.

Ya 5:11

Bơ̆n ư-ang tơpă 'bôh lu bơngai đei tơdrong gleh truh mă sư oei lui kơjăp, thoi lĕ kơ 'bok Jop sơ̆ sư đei tơdrong gleh pơmat kơ sư dang noh mă sư oei adrin lui khŏm khŏm. Na đơ̆ng rŏng bơ̆n 'bôh 'Bok Kei-Dei mơnat kơ sư, ăn kơ sư hiôk jơnap, na bơ̆n kư̆m băt kơ 'Bok Kei-Dei mơnat kơ bơ̆n thoi sư noh mơ̆n.

I Sam 2:21

Kră Yang mơnat kơ Hana, na đei anăp tơpŭ pêng 'nu kon drŏ-nglo păng 'bar 'nu kon drŏ-kăn. Kon tơdăm anăn Samuel rai wơ̆ 'lŏ 'bơ̆t anăp Kră Yang.

I Sam 2:8

Sư rô̆ tơiung bơngai dơnuh đơ̆ng 'mui teh; Sư pơdơ̆ng tơiung lu bơngai kơ'bah đơ̆ng lăm 'mui tơnuh, Wă kơ lu sư dơ̆ng hơdai hăm lu bơngai yŏng pơgơ̆r. Păng kư̆m ăn oei lăm anih đe pơyom. Jrăng plei teh noh đơ̆ng Kră Yang, Păng kơpal jrăng noh sư pơdơ̆ng bơih plei teh.