Horiso 107:4 - Sơ̆p Hlabơar Nơ̆r 'Bok Kei-Dei

⁴ Lu sư oei chă yak tơ lăm char 'blach. Yak trong bri brah chă trong wă mơ̆t oei tơ pơlei ưh kơ 'bôh,

Horiso 107:4 ပူးပေါင်းရင်းမြစ်များ

Jop 12:24

Sư iŏk lê̆ tơdrong hơgei đơ̆ng lu yŏng kơdră lăm tơring. Pơm kơ lu sư nơnăm wơ̆l kư̆ kă chă trong ưh kơ đei thoi lăm char glă.

Horiso 107:40

Sư tuh tơdrong đe areh kơ lu bơngai pơgơ̆r. Ăn kơ lu sư yak thông lăm char glă ưh kơ đei trong.

Êsêkiên 34:12

Thoi bơngai wei triu oei hơdai triu păng jô̆ lăng khŭl triu hiong, Inh kư̆m jô̆ lăng khŭl triu Inh; Inh gô dŏng pơklaih lu sư đơ̆ng rim anih mă lu sư tơklah tơklang lăm năr măng mu gueo.

Êsêkiên 34:6

Lu triu Inh tơklah jơ̆p kơ kông kŏ păng groi kơjung. Lu triu Inh tơklah tơklang jơ̆p-jang kơ lăm teh đak, ưh kơ đei bu 'moi ưh kơ đei bu chơchă.

Jo 14:33

Lu kon sâu iĕm gô wei triu lăm char glă 'nâu lăm puăn-jĭt sơnăm lu sư gô pŭ iŏk tơdrong phak đơ̆ng lu iĕm ngôi kư̆ kă ưh kơ wă lui dĭng truh tơ lu iĕm pơ̆k lôch đĭ lăm char glă 'nâu.

Jo 32:13

Thoi noh, tơdrong Kră Yang hil mĭl dêh kơ lu adrĕch bơngai Isơrael, na sư ăn kơ lu đe noh yak thông huang lăm char glă noh puăn-jĭt sơnăm, dĭng mă đĭ-đăng jơhnơr lu bơngai pơm kơnê̆ 'bơ̆t anăp Kră Yang lôch đĭ.

Both 32:10

Kră Yang chă 'bôh lu kon pơlei Sư tơ lăm char glă. Tơ lăm bri brah đei nơ̆r ôr krao Kră Yang wei rong lu sư, bơwei lu sư wei thoi kon-ngai lăm măt Sư.

Both 8:15

Kră Yang chông ba iĕm rok char glă să pă băt krưp dêh, đei 'bih tang, hơguăt, teh hrĕng kro, ưh kơ đei đak ôh, Sư ăn đak lĕch đơ̆ng tơmo arăk tơpă.

Hêbrơ 11:38

Jô̆ gah tơdrong pơm 'lơ̆ng tơpăt, lu sư 'lơ̆ng hloh kơ đĭ-đăng bơngai ala teh, pă rŏ kơ lu sư oei tơ teh âu, mă-lei lu sư oei oăi tơ tơmăn glă, tơ kông krang hang nak, tơ gơp tơmo.

Tơdrông Tơ'bôh 12:6

Na bơngai drŏ-kăn ei kơdâu ôn hloi akâu sư tơ anih kueng chơngue, tơ anih mă 'Bok Kei-Dei hơmet lê̆ kơ sư boih. 'Bok Kei-Dei hiĕm 'me sư tơ noh kơplah minh-rơbâu 'bar-hrĕng tơdrâu-jĭt năr.